Xiaomi 100 долларлик ушбу смартфонни сотувга чиқарди

Xiaomi 100 долларлик ушбу смартфонни сотувга чиқарди

Redmi 3S Prime модели тақдим этилишидан 9 ой ўтиб, ниҳоят “хитойлик “Олма” бу туркумнинг аввалги Redmi 4 моделини янги жиҳатлар билан кучайтириб, қайта сотувга чиқарди.

Redmi 3S Prime ва Redmi 4 асосан ихчам ва ёқимли дизайни билан ажралиб туради. Янги телефон янада юпқа, қиррадор ва замонавий кўринишдаги корпусга эга. Металл ва алюминий уйғунлигидаги корпус сирти электролиз усулида маҳорат билан оксид пардаси билан қопланиши натижасида корпус рангдор ва жозибадор кўринишга келган. Динамик орқа панелдан корпуснинг қуйи қисмига кўчирилган.

Redmi 4 смартфони 5,0 дюймли HD-дисплей, автофокус тизимига эга 13 мегапикселли бош камера (f2.0 апертура), 5 мегапикселли олд камера (f2.2 апертура), 4100 мА соат сиғимли батарея билан таъминланган. Xiaomi’нинг маълум қилишича, бу қувват унга 2 кун давомида фаол ишлаши учун етарли экан. Шу жиҳати билан девайс Redmi 4A’дан устун.

Redmi 4’да олинган сурат

Redmi 4 гаджети Android Nougat’нинг MIUI 8 талқини бошқарувида ишлайди. Смарфтонда бармоқ излари сканери мавжуд.

Redmi 4 ўрта даражали, 1.4 Ггц частота тезлигига эга, 8 ядроли Snapdragon 435 процессорида ишлайди. Смартфон 2 гигабайтли тезкор ҳамда 16 гигабайтли доимий, шунингдек 3/32 ва 4/64 ГБ тезкор ва доимий хотирага эга талқинларда ишлаб чиқарилмоқда. Доимий хотирани хотира флешкаси ёрдамида 128 ГБ.гача катталаштириш мумкин.

Телефонлар 23 майдан бошлаб Mi.com ва Amazon India электрон платформаларида сотилмоқда. Мазкур талқинлар айни пайтда 107, 138 ва 170 доллардан сотилмоқда.

Хабарларни тез ва осон ўқиш учун Андроид иловамизни сақлаб олинг.