iPhone рекламасида Apple Android тизимини масхаралади [қисқа видео]

iPhone рекламасида Apple Android тизимини масхаралади [қисқа видео]

Жаҳондаги смартфонларнинг 99.6 фоизи Android ва iOS мобил операцион тизимларида ишлайди. 2016 йилда жаҳон бўйлаб 308.5 млн дона Android, 215 млн дона iPhone смартфонлари сотилган. Сайёрамизда 1.4 млрд нафар Android, 505 миллион нафар iOS фойдаланувчиси бор. Сўнгги вақтларда Apple iOS’нинг афзалликларига бағишланган рекламалар орқали iPhone савдосини яхшилашга уринмоқда.

Apple корпорацияси iPhone смартфони тарғиботига бағишланган бир туркум янги реклама кампаниясига старт берди. Жумладан, рекламаларда аноним равишда Android операцион тизими устидан масхара қилинади ва унинг фойдаланувчилари iPhone смартфонига ўтиши кераклигиги тасвирлар орқали ишора қилинмоқда. Жами 15 секундлик 5 та шундай видеороликда iPhone’нинг Android’дан устун жиҳатлари намойиш қилинган. Жумладан, ҳар бир қисқа видеороликда компания ўзининг смартфонининг тезкор ишлаши, камера сифати, хавфсизлик ва iOS’га хос бошқа жиҳатларга урғу қаратган.

Шунингдек, компания apple.com/switch доменидаги сайтини ҳам янгилаб, “iPhone’да ҳаётинг янада қулай. Сен уни ёқсанг бўлди”, шиори остида iPhone’нинг ўзига хосликларини кўз-кўз қилиб, Android фойдаланувчиларни ўзига жалю қилишга уринган.

Apple реклама роликлари жаҳоннинг йирик телеканалларида, шунингдек нуфузли спорт анжуманларида мунтазам намойиш қилинади.

Apple видеода, шунингдек “Move to iOS” (iOS’га ўтиш) иловасини ҳам реклама қилиб, Android’даги смартфонида ҳам iOS тизимини фойдаланиши мумкинлигига ишора қилади.

iPhone’га ўтиш осонми?

Ҳа, осон! Мисол учун, смартфондаги контентни алоҳида сақлаб қўйиш талаб этилмайди. Google Play Store’дан “Move to iOS” иловаси юклаб олинади. Бу илова аввалги барча фотосурат, видео, контактлар, календар, почта аккаунт, хатлар тарихи каби муҳим маълумотларни автоматик равишда янги тизимга ўтказади.

Қуйида Apple’нинг янги қисқа промо-видеоларини томоша қилинг:

Сайтимизнинг энг чиройли расмларини Инстаграмдаги саҳифамизда томоша қилинг!