110 долларга «олти мингталик» батареяли ва қўш камерали металл смартфон!
Ҳозирги замонда смартфонга қўйиладиган талаблар фақат овозли қўнғироқ, хабарлар ёзишиш ва интернет тезлиги билангина чекланиб қолмайди. Ахир, у сифатли фото ва видеотасвирга олиши, экрани ўйинлар ўйнашга ва видеолавҳалар, ҳатто фильмлар томоша қилишга қулай бўлиши, тағин узоқ вақт аккумулятори ўтириб қолмасдан хизмат қилиши ҳам керак-да. Корпуси бақувват ва нархиям ҳамёнбоп бўлса – унданам яхши…
Хулласи калом, Gretel GT6000 моделли янги смартфон юқоридаги барча талабларни инобатга олган ҳолда яратилган. Унинг асосий устунликларидан бири – нақ 6000 мА/соат сиғимли батареясидир. Ишлаб чиқувчиларнинг таъкидлашларича, у сўзлашув режимида 30 соат, кутиш режимида эса нақ 412 соат мобайнида қурилманинг ўчиб қолмаслигини таъминлаб беради. Агарда смартфонда видео кўрадиган бўлсангиз, аккумулятори узлуксиз 16 соатга чидаб беради, ўзингизнинг бардошингиз етса бас!
Gretel GT6000’га энергия тежовчи, тўрт ядроли MT6737 процессори ўрнатилган, у 1,3 ГГц частотада ишлайди. Шунингдек, самарадорликнинг таъминланишида Mali-T720 график тезлатгичининг ҳам хизмати катта. Девайс 2 ГБ тезкор ва 16 ГБ доимий хотира билан жиҳозланган, бу эса ҳозирда ҳатто ҳамёнбоп қурилмалар учун ҳам энг минимал кўрсаткич бўлиб бормоқда.
Процессор ва хотирадан тежаш эвазига ишлаб чиқарувчилар Gretel GT6000 телефонини яхшигина камералар билан сийлашган. Асосий камера қўшалоқ бўлиб, Panasonic компанияси томонидан ишлаб чиқарилган 13 мегапикселли матрица билан таъминланган. Селфи-камера эса 5 мегапикселли фотомодуль билан жиҳозланган.
Маълумотни акс эттириш учун гаджетга 5,5 дюймли HD-сифатли экран ўрнатилган бўлиб, у Sharp маҳсулоти бўлмиш IPS матрица билан таъминланган. Телефоннинг корпуси металлдан ишланган бўлиб, тақдимот материалларига кўра, у қора, пушти ва кўк рангларда чиқарилади.
Gretel GT6000 смартфони шу йилнинг июнида савдога чиқарилади. Ҳозир эса мана бу ҳавола орқали ўтиб, унга атиги 110 АҚШ доллари эвазига олдиндан буюртма бериш мумкин. Яхши батарея ва камерага эга ҳамёнбоп смартфон орзу қиладиганлар учун ажойиб топилма!
