Apple: “iPhone 8 смартфонларнинг янги даврини бошлаб беради!”
Купертинолик “Олма” корпорацияси вакиллари, ниҳоят илк маротаба корпорациянинг янги авлод айфони хусусида баралла овоза қилдилар. Уларга кўра, iPhone 8 жаҳон миқёсида смартфонларнинг янги даврини бошлаб беради.
Apple компаниясининг фикрича, янги айфонни қўлига олиб, фойдаланиб кўрган одам ўзи фойдаланиб келган электрон гаджет хусусидаги тасаввурларини ўзгартиради ва чинакам смартфон қандай бўлиши кераклигини англайди.
Маълум бўлишича, iPhone 8’да овоз ва юз-қиёфани таний оладиган яна бир мустақил процессор бўлади. Жумладан, смартфон қиёфани уч ўлчамда сканер қилади. Бу технологияни яратиш билан LG компанияси шуғулланмоқда. Шу билан бирга, инсайдерларнинг тасдиқлашларича, смартфонда кўзнинг рангдор пардасини ҳамда бармоқ изларини сканер қилувчи технология жорий қилинади. Шу тахлит, iPhone 8 тизимига кириш учун 3 кўринишдаги биометрик аутентификациядан ўтишга тўғри келади.
Ўзига хос жиҳати шундаки, iPhone 8’да сунъий ақл технологияси учун масъул алоҳида процессор ўрнатилиши айтилмоқда. Мобил алоқа воситасининг симсиз қуват олиши, корпус чанг ва намдан ҳимояланган бўлиши маълум бўлган.
