Sony энди PlayStation 3 ишлаб чиқармайди

  •   DiMaX
  •  1945
  •  31.05.2017 11:39

Sony энди PlayStation 3 ишлаб чиқармайди

Sony энди Японияда PlayStation 3 ўйин консолини ишлаб чиқаришни тўхтатди. Яқин орада бу қурилмаларни Ғарб бозорига чиқариш ҳам тўхтатилади, деб ёзади Hi-Tech Mail.Ru

PlayStation 3 ўйин приставкаси Японияда 2006 йилнинг 11 ноябрида сотувга чиқарилган эди. Демак, Sony’нинг мазкур ўйин консоли ўз даврини ўтаб бўлди. Бироқ компания истеъмолдаги қурилмаларни қўллаб-қувватлашни тўхтатгани йўқ ва ўйинлар ҳалиям чиқарилмоқда.

Айтиш керакки, PlayStation 3’нинг асосий рақиби Xbox 360 ҳисобланади. Microsoft’нинг аввалги авлод консолини ишлаб чиқариш ҳам 2016 йилнинг апрелида тўхтатилган эди.

2015 йилнинг апрель ойидаги кўрсаткичларга кўра, Sony компанияси PlayStation 3 қурилмасининг турли модификацияларидан 87 миллион дона сотган. Бу модификациялар – оддий (FAT), Slim ва SuperSlim бўлиб, шулардан охиргиси ҳозиргача савдода бор.

Дунё бўйлаб энг кўп сотилаётган консоллар рейтингида PS3 еттинчи ўринни эгаллайди. Биринчи ўринда эса унинг битта олдинги авлоди – PlayStation 2 бўлиб, бу қурилмадан 155 миллион дона сотилган.