iPhone 8 ҳатто iPhone 7 Plus’дан ҳам қалинроқ бўлади
Бугун интернет тармоғида iPhone 8 моделининг янги расмлари ҳамда уларга асосланган янги маълумотлар тарқалди. Маълумотлар манбаси – шу каби ишончли хабарлари билан танилган блогер Бенжамин Гескин, деб ёзади Hi-Tech Mail.Ru. Хабарда таъкидланишича, Apple’нинг юбилей смартфони унинг iPhone 7 моделидан кўра қалинроқ ва оғирроқ бўлади.
Apple заводидаги манбага таянган ҳолда Гескиннинг таъкидлашича, iPhone 8 ўлчамлари 143,59х70,94х7,57 мм, iPhone 7 ўлчамлари эса 138,3х67,1х7,1 мм.га тенг. Бундан чиқди, iPhone 8 ҳатто iPhone 7 Plus (158,2х77,9х7,3 мм) моделидан ҳам қалинроқ бўлар экан.
Мана, ўзингиз таққосланг, бу суратда iPhone 8 ўртада жойлашган:
Мазкур кўрсаткичлардан келиб чиқиб айтиш мумкинки, iPhone 8 оғирроқ ҳам бўлади; iPhone 7 модели 138 грамм, iPhone 7 Plus эса 188 грамм тош босади.
Юбилей модели, кўриб турганингиздек, iPhone 7 Plus’га нисбатан кичкинароқ ҳажмда. Аммо, роми йўқлиги эвазига, унинг экрани ўлчами iPhone 7 Plus экрани каби ҳажмга эга. iPhone 8’нинг ромсиз экрани ҳам кечагина Android муаллифи Энди Рубин тақдим этган Essential Phone’нинг экрани сингари бўлишини тахмин қилишмоқда.
Эслатиб ўтамиз, Apple: «iPhone 8 смартфонларнинг янги даврини бошлаб беради!» дея мақтанган. Блогер Бенжамин Гескин эса аввалроқ iPhone 8 флагманининг рендерларини эълон қилган, кейинроқ қурилманинг тахминий нархи ҳам айтилган эди. Унда биз бўлажак юбилей флагманининг «жонли» макетини кўришимиз мумкин. Бу макет аввал эълон қилинган чизмалар, рендерлар, видеолавҳалар ва фотосуратлардаги кўринишга мувофиқ тайёрланган.
