Илғор MIUI 9 тизимида ишлайдиган Xiaomi смартфонлари

Xiaomi компанияси шу кунларда ўзининг ихлосмандлари учун яхши янгилик тайёрлаётгани қулоққа чалинмоқда. Жумладан, бренд узоқ кутилаётган Android’нинг MIUI 9 талқинини жорий йилнинг июлида тақдим этиш режасида юрибди. Ҳозирча компания бу тўғрида бирор нима демаяпти.

Инсайдерларнинг ёзишларича, жорий йилнинг август ойига қадар Xiaomi’нинг Mi 6, Mi 5c, Mi MIX, Mi Note 2, Redmi Note 4X, Redmi Note 4, Mi 4C, Mi 4S, Mi 5, Mi 5s, Mi 5s Plus смартфон моделлари ҳамда Mi Pad 3 планшети MIUI 9 прошивкасида ишлаш имконига эга бўлади.

MIUI 9 жиҳатлари ҳозирча тўлиқ маълум эмас. Янги талқинда SMS’ларни режа-жадвали асосида юбориш, календар ва калкулятор каби тизимли иловаларни ўчириб ташлаш, экрандан ёзиб олиш функциясининг пайдо бўлиши, экранни бир неча қисмга бўлиш орқали бир вақтнинг ўзида бир нечта иловалардан фойдаланиш, платофрманинг тезкор ишлаши ва камроқ қувват ейиши каби имкониятларнинг пайдо бўлиши кутилмоқда.