Кутилган ZTE Axon 7s, кутилмаган нархда сотувга чиқди

Кутилган ZTE Axon 7s, кутилмаган нархда сотувга чиқди

2016 йилнинг чипи бўлган Snapdragon 821 платформасида ишлайдиган ZTE Axon 7s флагмани Хитойда сотувга чиқарилди. 2016 йилда ишлаб чиқарилган Axon 7 смартфонининг такомиллашган талқини апрелда тақдим этилган эди. 2 ойдан сўнг дўкон пештахталаридан ўрин олган гаджетнинг нархи барча учун қизиқ.

Ишлаб чиқарувчи “байроқдор” учун $675 доллар сўрамоқда. Бу, қўш объективли бош камера ва нисбатан илғор Snapdragon 835 платформасига эга бошқа, мисол учун Xiaomi Mi6 ва Nubia Z17 каби гаджетлар билан солиштириб кўрилганида, анча қиммат.

ZTE Axon 7s’да 6 Гб тезкор ва 128 Гб доимий хотира мавжуд. Янги гаджет AMOLED‑матрицали, 5,5 дюймли ва сиғими QHD (2560х1440 пикселли) сиғимли экран, 2 та стереодинамик карнайларга, тезкор қувватлашни қўллаб-қувватлайдиган USB Type-C универсал портига эга.

Гаджетнинг аккумулятор сиғими 3400 мА соат. ZTE Axon 7s Android 7.0 Nougat операцион тизими бошқарувида ишлайди.

Бош камера модули учун Sony’нинг 20 мегапикселли IMX350 датчиги ва унга ёрдамчи сифатида 12 МП сиғимли объектив танланган. Олд камера эса 8 МП матрицали.

ZTE Axon 7s смартфони ҳозирча тилла рангли корпусда ишлаб чиқарилмоқда.

Сайт янгиликларидан доимий хабардор бўлиш учун Телеграм каналимизга қўшилинг!