Кумуш корпусли Xiaomi Mi6 нархидан 4 баробар қимматга сотилди

Mi6 флагманининг тақдимотида Xiaomi компанияси вакиллари смартфоннинг махсус — кумуш корпусли Xiaomi Mi6 Silver Edition талқини ҳам сотувга чиқишини маълум қилишган эди. Сўнгги маълумотларга кўра, флагманнинг мазкур модификацияси ишлаб чиқарилмаслиги мумкин.

Xiaomi’нинг маркетинг бўйича директори Занг Чжиюан бир неча кун аввал Mi6 Silver Edition талқини сотувга чиқарилмаслигини эълон қилган. Бунинг бош сабаби сифатида кумуш корпусни тайёрлаш билан боғлиқ мураккаб жараён кўрсатилган. Ишлаб чиқарилган саноқли Mi6 Silver Edition смартфонлари эса смартфон саноати муҳандислигининг юксак намунаси бўлиб қолади.

Айтиш керакки, бир муддат аввал Хитойдаги кимошди савдосига қўйилган Mi6 Silver Edition смартфонларидан бири $585 доллар бошланғич баҳосига сотувга қўйилиб, $2490 долларга пулланган эди.