Vernee Apollo смартфони – яна бир хитойлик флагманлар кушандаси

Vernee Apollo смартфони – яна бир хитойлик флагманлар кушандаси

Хитойлик Vernee компанияси ўтган ҳафтада Apollo номли флагманини намойиш қилди. Apollo 6 Гб тезкор хотирага эга.

Смартфоннинг бошқа бир ўзига хослиги унда MediaTek’нинг сўнгги Helio X20 (MT6797) процессоридир. MediaTek’нинг айтишича, Helio X20 процессори жаҳондаги уч бирлашмали архитектура асосида қурилган илк процессор экан. Яъни, бош процессор учта кичк процессорлар жамланмасидан иборат. Шу сабабли у тезкор ишлаш қобилиятига эга.

Android Authority интернет манбаасининг қайд этишича, Vernee Apollo гаджети 5.5 дюймли QHD дисплейига эга бўлиб, Force Touch – чертиш даражасига қараб ишлаш функцияси билан таъминланган. Смартфон Android 6.0 Marshmallow операцион тизимида ишлайди.

Шунингдек, Vernee Apollo 128 Гб ички хотира, Sony IMX230’нинг сенсорли 21 МП бош камераси, 8 МП олд камера билан таъминланган. Гаджетнинг тўлиқ металли корпусида USB Type-C порти мавжуд.

Terabayt.uz сайтининг видеолари: Youtube'даги каналимизда!