ZTE Axon 7: талаб ва дидга мос замонавий флагман смартфон

ZTE Axon 7: талаб ва дидга мос замонавий флагман смартфон

ZTE компанияси бир муддат аввал “Axon 2” сифатида тақдим этилган флагманни “Axon 7” номи остида сотувга чиқармоқчи.

Илғор технологик хусусиятлар жамланган смартфон замонавий услубдаги металл корпусга эга. Смартфон корпусининг орқа панелида бармоқ излари сканери татбиқ қилинган. Ишлаб чиқарувчининг фикрига кўра, ZTE Axon 7 Google’нинг Daydream виртуал воқелик платформасини қўллаб-қувватлайдиган илк флагманлар сирасига киради.

Axon 7

ZTE Axon 7 алоқа воситаси 5.5 дюймли QHD (1440 x 2560 пиксель сиғимли) технологиясида ишлаб чиқарилган дисплейга эга. Аппарат дастурий таъминоти 4 ядроли Qualcomm Snapdragon 820 процессорида ишлайди. У икки талқинда — 4 ГБ тезкор ҳамда 64 ГБ доимий ички хотира ва 6 ГБ тезкор ҳамда 128 ГБ доимий хотира билан ишлаб чиқарилади. Ҳар иккала талқинда хотирани 128 ГБ ҳажмгача кўтариш мумкин бўлган microSD қўшимча хотира картаси мавжуд.

ZTE Axon 7

Смартфон Android 6.0 Marshmallow операцион тизимида фаолият кўрсатади.

Ундаги 20 мегапикселли бош камера тасвирни оптик барқарорлаштириш тизимига ҳамда фазали автофокусга эга. Гаджетнинг олд камераси 8 МП.

Икки SIM-картали смартфон алоқанинг LTE, Bluetooth, GPS, NFC ва Wi-Fi тармоқларини, USB Type-C туридаги портни қўллаб-қувватлайди. Мобиль алоқа воситасининг аккумуляторининг сиғими 3250 мА соат.

ZTE Axon 7’нинг ўлчамлари: 151,7 х 75 х 7,9 мм, оғирлиги — 185 грамм.

ZTE Axon 7 тилларанг ва кулранг талқинда сотувга чиқади. Унинг стандарт модели халқаро бозорда 450 АҚШ долларидан, Force Touch технологиясига эга талқини 640 доллардан сотилиши режалаштирилган.

Хитойнинг ZTE CORPORATION компаниясига 1985 йилда асос солинган бўлиб, у айни пайтда телекоммуникация ускуналари ва мобиль қурилмалар ишлаб чиқаришда жаҳоннинг етакчи муассасаси ҳисобланади. Компания Ўзбекистонда ҳам ўз бўлинмасини ташкил қилган.

Terabayt.uz сайтининг видеолари: Youtube'даги каналимизда!