Huawei P9: жаҳон эътиборини қозонган хитойлик илк смартфон

Huawei P9: жаҳон эътиборини қозонган хитойлик илк смартфон

Huawei P9 – қўш бош камераларга эга бўлган илк смартфон. У мана шу жиҳати билан тарихда қолади. Унинг камераси Германиянинг Leica фирмаси билан ҳамкорликда тайёрланган.

“Huawei P” смартфонлар туркумини ишлаб чиқариш 3 йил аввал – iPhone дизайнини кўчириб олган Ascend P6 моделини ишлаб чиқариш билан бошланган. Орадан бир йил ўтиб намойиш қилинган Ascend P7 смартфони катта қизиқишга сабаб бўлади.

Янги Huawei P9 модели смартфон бозорида iPhone ҳамда “Galaxy A” гаджетларига рақиблик қилади. Galaxy Note’га қарши эса Huawei “Mate” моделини курашга туширади.

Смартфон   2016 йилнинг 6 апрелида Лондонда намойиш этилган. LG G3 тақдим этилган Battersea Evolution павильонида ўтган тақдимотдан сўнг Huawei’нинг янги қурилмаси кўпчиликнинг диққатини тортди.

Бугунга келиб компания жаҳоннинг 3-рақамли смартфон ишлаб чиқарувчиси ҳисобланади.  Шу билан бирга, Huawei P9 жаҳон аҳли эътиборини қозонган илк Хитой флагмани сифатида халқаро етакчилар қаторида тарихга кирди. Унинг камера имкониятлари барчага Samsung ва Apple сифатини эслата бошлади.

Дизайн

Huawei P9 комплектида мис карта бўлмачасини очувчи металл тўғноғич, C типидаги USB кабель, аудио қулочин, тармоқ адаптери мавжуд.

Huawei P9 корпусидаги салобат фойдаланувчини бир зумда ўзига ром қилади. У сизга iPhone 6(S)’га хос ҳашамни эслатса ажаб эмас. Металл корпус бу ерда ўзининг жозибасини намоён қилади.

P9 гаджетининг силлиқ металл корпуси 2.5D туридаги экран шишаси билан уйғунлаштирилган.  Унинг ўлчамлари – 145 x 70.9 x 6.95 мм. Корпус ясси шаклдаги бурчакларга эга.

Орқа панелнинг юқори қисми шиша улоқ билан безатилиб, у ердан қўш камералар, икки светодиодли фоточақноқ ҳамда лазерли фокусировка тизими ўрин олган.

Улардан қуйида эса Huawei дизайнига хос анъанага мувофиқ, бармоқ излари сканери жойлаштирилган. Унинг ишлаш тезлиги Samsung Galaxy S6’ники билан тенглаштирилмоқда. Сенсордан қўшимча баъзи функцияларда, мисол учун  огоҳлантиришлар менюсини тезкор очиш ёки галереядаги суратларни ўтказишда фойдаланиш мумкинлиги смартфон саноатида ўзига хос “топилма” бўлган.

Корпуснинг қуйи қисмила 3.5 мм стандартидаги аудио қулоқчин коннектори, USB-C кабели учун порт ҳамда динамикларга жой ажратилган.

Корпуснинг ўнг томон ёнида овозни бошқариш тугмаси ва қувватлаш учун порт ўрин олган. Ҳар иккала тугма металл хомашёсидан тайёрланган.

Корпуснинг юқори қисмида шовқин таъсирини камайтирадиган иккинчи микрофон мавжуд.

Huawei P9 моделидан келиб чиқиб, турли хил гибрид хотира ва сим карта бўлмачаларига эга. Унинг биз ўрганаётган EVA-L09 моделида SIM-карта бўлмачаси корпуснинг чап ёнидан жой олган. Кичик ҳажмдаги қўш сим картани қўллаб-қувватлайдиган бўлмачалардан бирига microSD қўшимча хотира картасини жойлаштириш ҳам мумкин.

Экранга Corning Gorilla Glass’нинг 4-авлод ҳимоя шишаси қопланган, экран бармоқ излари ва ёғ-доғ таъсирига чидамли.

Экран устидан жой олган 8 мегапикселли олд камера FullHD сиғимли видео суратга олади. Унинг ёнида эса мулоқот динамиги, оралиқ-масофа датчиги, ўтказиб юборилган қўнғироқларни огоҳлантириш индикатори учун жой ажратилган. Мулоқот динамигининг ишлаш сифати юқори даражада.

Олд панелнинг ҳошияларида алюминий металлидан фойдаланилгани экран чиройини очган. Панелга маҳорат билан сайқал берилгани дарров кўзга ташланади. Очиғини айтганда, ҳозирча мазкур нафислик ва гўзалликка эга бошқа гаджетни топиш қийин.

Умумий олганда гаджетнинг корпус йиғилишига гап йўқ. Корпусда сим карта бўлмачасидан ташқари ажраладиган бошқа қисм йўқ.

Huawei P9 тилларанг, кумуш, кулранг, оч тилларанг, оқ чинни рангли корпусларда ишлаб чиқарилмоқда.

Дисплей

Сўнгги йилларда тақдим этилаётган флагман смартфонларнинг дисплейи юқори сифатли.  Huawei P9 мобиль қурилмасида диагонали 5.2 дюйм бўлган экрандан фойдаланилган. Унда кўзни олувчи нурга қарши қоплама мавжуд.

Контурли, яъни 2.5D туридаги дисплей сиғими FullHD, яъни 1920×1080 пикселга тенг. Ҳар дюймда 423 пиксель. Унинг IPS матрицаси ҳавосиз қатламга эга.

Huawei P9’нинг энерго тежамкор дисплейи Japan Display (JDI) компанияси томонидан IPS-NEO технологияси асосида ишлаб чиқарилган.

Айтиш мумкинки, дисплей сурат ва тасвирнинг акс этиш даражаси юқори ва сифатли. Айниқса, металл корпус ва сайқалланган четки ромлар тасвирни янада бойитадигандек.

Huawei P9 матрицаси жуда яхши кўрсаткичларга эга. Фақат унда қора ранг туси бир оз ўткир.

Платформа

Huawei P9 смартфонининг EVA-L09 талқини 3 ГБ тезкор ва 32 ГБ доимий ички хотирага эга. У 1 дона сим картани қўллаб-қувватлайди.

EVA-L19 талқини 2 та сим картани ўқийди. Аппаратнинг тезкор хотираси 3 ГБ, доимий ички хотира 32 ГБ.

EVA-L29 талқини эса энг “кучлиси” бўлиб, сим карта ва қўшимча 2 та бўлмачаларга, 4 ГБ тезкор ва 64 ГБ доимий хотирага эга.

Huawei P9 мобиль алоқа воситасининг «юраги» HUAWEI Kirin 955: у 64 бит, 8 ядроли (4х2,5 ГГц A72+ 4х1,8 ГГц A53), график-тасвир учун Mali-T880 процессори масъул. P9 самарадорлиги жуда оқсаб қолмайди. Ўйин ва иловалардан фойдаланишда бирор муаммо йўқ. Металл корпус нагрузка чоғида бир оз қизиши мумкин.

P9 мобиль алоқа воситаси Google Android 6.0. операцион тизимининг мослаштирилган EMUI 4.1 талқинида фаолият кўрсатади.

Камера

Huawei P9 камера сифати билан жаҳон эътиборини тортган илк хитойлик гаджет.

2 та бош камеранинг ҳар бири 12 МП сиғимли сурат олади. Уларнинг диафрагмаси F2.2. Биринчи камера объектни рангли олса, иккинчиси оқ-қора тасвирда туширади.  Шундан сўнг иккала камера олган сурат яхлит ҳолатга келади.  Бу эса уларга рангни энг юқори даражада акс эттириш, динамик диапозонни аниқлаш, сезувчанликни оширишлари учун айни муддао.

Шунингдек, қўш камералар сурат фокусини тўғри аниқлашда муҳим иштирок этади. Уларда лазерли автофокус тизими ҳам ўрнатилган.

Кундузги шароитда олинган кадрлар сифати супер: аниқ оқ тус меъёри, ортиқча хираликлардан холилик, кичик деталларнинг ҳам ёрқин акс этиши. Аммо ёруғлик пасайиши билан сифат ҳам тушиб кетади.

Унинг тунги суратларининг сифати Samsung Galaxy S7 ёки Apple iPhone 6S флагманлари олган суратлар билан рақобат қила олмайди. Кундузи автофокус жуда тез ишлайди. Тунги шароитда эса унчалик эмас.

Huawei P9 смартфони камераси кадрларни RAW (DNG) форматида ички хотирага ёзади. Улар 15 МБдан 30 МБгача ҳажмда бўлади.

Олд камеранинг ишлаши ҳам сифатли.

Камерада секундига 60 кадрли FullHD сиғимли тасвир олиш мумкин. Сифат ўртача. Фокус тез ва аниқ. Видео тасвир овози эса аниқ-тиниқ, тоза.

csm_4_zu_3_teaser_low_758be1f128

Аккумулятор

Биз ўрганаётган талқин электр токи сиғими 3000 мА соат бўлган аккумуляторга эга. У кундалик 1 соат алоқа, Wi-Fi синхронизация,  интернет (Твиттер, почта, Скайп, Ватсапп) учун фойдаланилса, қуввати 1,5 кунга етади. Замонавий ўйинларни эса узлуксиз 3-4 соат ўйнаш, 7 соат тинимсиз HD видео кўриш мумкин. “Батарея диспетчери” қувватни тежаш учун Bluetooth, GPS, NFC алоқа тизимларини, фойдаланилмайдиган иловаларни ўчириб қўйишни маслаҳат беради.

Коммуникация

Huawei P9 нафақат алоқанинг 2G/3G, балки 4G CAT 6 тармоқларида ҳам ишлай олади. Аппаратда «Signal+2.0» тизими мавжуд. Яъни, бу антеннани ушлаш сифатини яхшилайди.

Яна бир муҳим жиҳати «Wi-Fi+2.0» технологияси бўлиб, гаджет автоматик равишда ўтказувчанлиги юқори энг барқарор  Wi-Fi тармоққа уланади.

Шу билан бирга, телефон аппарати NFC (L19 ва L29 моделларида мавжуд эмас), GPS ва ГЛОНАСС, Bluetooth 4.2, USB 2.0 каби алоқа тармоқларига эга.

huawei-p9

Хулоса

Huawei сўнгги 3 йилда катта ютуқларни қўлга киритиб, Android-смартфонлар бозорида пешқадам ишлаб чиқарувчига айланди. Huawei P9 смартфон ҳашамдор дизайн, металл корпус билан кўринишидан iPhone 6/6S’дан қолишмайди. Унинг ташқи кўриниши ўзига хос. Самарадорлиги, технологияларнинг татбиқ этилиши ва камера имкониятлари ҳам Huawei P9’да юқори. Сифатли хомашё, энг яхши металлар, моҳирлик билан йиғилган корпус, энг яхши экран IPS-матрицаси, яхши камера ва мустаҳкам аккумулятор уни кучли гаджетлар қаторига қўшади. Шуларни ҳисобга олиб, уни энг яхши гаджетлар қаторига қўшиш, тавсия қилиш мумкин.

Хулоса

Қаердан сотиб олиш мумкин?

http://olx.uz/ $500 Сотиб олиш

 Афзаллиги

 Камчилиги

Хабарларни тез ва осон ўқиш учун Андроид иловамизни сақлаб олинг.