1 терабайт нима бўпти!? Lenovo Z5 – нақ 4 терабайт хотирали илк смартфон!

  •   DiMaX
  •  2042
  •  17.05.2018 10:49

1 терабайт нима бўпти!? Lenovo Z5 – нақ 4 терабайт хотирали илк смартфон!

Процессор ва тезкор хотира смартфонларнинг ишлаш самарадорлигини таъминлаб берса, доимий хотираси турли файлларни сақлашда муҳим. Кечагина хитойликлар шу жиҳатдан рекордчи – нақ бир терабайтлик ички хотирага эга смартфон тақдим этишди.

ЎҚИНГ: Хитойда "инқилобий", илғор смартфон тақдим қилинди

Лекин бу рекорд узоққа чўзилмайдиган бўлиб турибди. Зеро, айни шу «Осмон ости салтанати» смартфонсозларидан яна бири доимий хотирасининг ҳажми нақ 4 терабайт бўлган мобил қурилмасини яқинда тақдим этмоқчи.

Lenovo вице-президенти Чанг Ченг (Chang Cheng) компаниянинг навбатдаги флагмани ҳақидаги янги маълумотни Weibo тармоғида эълон қилди. Бу ерда гап ўша – экрани рекорд даражадаги ромсиз смартфон хусусида кетяпти.

ЎҚИНГ: Lenovo «ҳақиқий ромсиз» смартфонни кўрсатди (+видео)

Чанг Ченг берган янги хабарга кўра, Lenovo Z5 русумли мазкур смартфон 4 гигабайтгача ҳажмли доимий флеш-хотирага эга.

Шунингдек, компания вице-президенти  яна шуни ҳам қўшимча қилиб ўтган: бу доимий хотира нақ бир миллионта фотосурат, икки мингта юксак сифатли фильм ҳамда 150 мингта қўшиқ сиғади.

Камида иккита жиҳати – экран ромсизлиги ва доимий хотира ҳажми бўйича рекордчи бўладиган Lenovo Z5 смартфони жорий йилнинг июнида тақдим этилишини ҳам Чанг Ченг тасдиқлаган.

ЎҚИНГ: Lenovo «мутлақо ромсиз» флагманининг номи ва суратини эълон қилди

Terabayt.uz сайтининг бепул эълонлар каналига қўшилинг.

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.