280 долларлик Vivo V7 cелфифони тақдим қилинди

280 долларлик Vivo V7 cелфифони тақдим қилинди

Секин-аста қулоққа таниш бўлиб бораётган Vivo компанияси бугун V7 смартфонини тақдим қилди. Бу гаджет автопортрет олишни хуш кўрганлар учун. Унинг "фишкаси" ҳам 24 мегапикселли аниқлигидаги, f/2.0 апертурали, фоточақноқли, портрет режимига эга олд камерасидир.

Vivo V7'нинг аппарат таъминоти учун Snapdragon 450 чипи, 4 Гб оператив ва 32 Гб доимий хотира масъул. 5,7 дюймли, FullView экранли дисплейнинг пиксел сиғими HD+ (1440х720 пикселли). Бу экран олд панелнинг 83,6% қисмини эгаллаб олган. Корпус 4-авлод Gorilla Glass ҳимоя шишаси билан қопланган.

Девайснинг аккумулятор сиғими 3000 мА соат. Бош камера эса 16 мегапикселли (f/2.0 диафрагма). Смартфон Android 7.1 Nougat тизими бошқарувида фаолият кўрсатади. microSD орқали доимий хотирани катталаштириш мумкин. Vivo V7 бармоқ излари сканерига, Bluetooth, Wi-Fi ва GPS модулларига эга.

Ўлчамлари: 149,3х72,8х7,9 мм, вазни -- 189 грамм.

Смартфон айни пайтда Осиёнинг баъзи давлатларида 280 АҚШ долларидан сотилмоқда. Декабрдан бошлаб гаджет оммавий равишда бозорларга чиқарилади.

Шуҳрат Сатторов

Журналист ва таржимон, 2012 йилдан ахборот технологиялари соҳасида фаолият юритиб келмоқда. Мобиль технологиялар, коммуникация, "электрон ҳукумат" тизими йўналишларида илмий изланиш олиб боради.