2D GAME KIT орқали ўз ўйинларингизни яратинг, дастурлашни билиш шарт эмас!

UNITY компанияси 2D дастурлаш малакаларисиз ўйинлар яратиш имконини берувчи инструментни тақдим қилди!

UNITY компанияси ўз блогида ўзининг янги махсулоти – 2D GAME KITни такдим этди.  Бу 2D ўйинларни яратиш имконини берувчи тўлақонли инструментдир. Айтиб ўтиш керакки, ушбу инструмент орқали ўйинлар яратиш учун дастурлаш малакасига эга бўлиш шарт эмас.

Шаблонлар орқали ўйинларни яратиш

2D GAME KIT да ўйин персонажлари кобилиятлари, ўйин элементлари ва инструмент тўпламлари мавжуд, шунингдек 1-босқичдан 5-босқичгача тайёр ўйин саҳналари ҳам бор.

Фикримизча, ушбу инструмент ўйинларга, дастурлашга қизиқувчи ёшларимизга, дизайнерларга ва ижодий маҳоратларини ўйинлар яратишда синаб кўрмоқчи бўлганларга жуда қизиқ бўлади.

2D GAME KITни синаб кўришдан олдин унинг йўриқномаси билан танишиб чиқишни маслаҳат берамиз.

UNITY компанияси 2D GAME KIT компонентларининг ишлаш принципларини қуйидаги йўриқномада изоҳлаб ўтган.

2D GAME KIT – биринчи босқич, холос. UNITY компанияси яқин келажакда 3D GAME KITни яратишга ваъда бермоқда, лекин аниқ вақти эълон қилинмаган.