$49 долларлик Google смартфонлари Android 8.1 Oreo'да ишлайди
2017 йилнинг декабрида Google компанияси жаҳондаги андроид мухлислари эътиборига Android 8.1 Oreo номли операцион тизимни тақдим қилган эди. Унинг асосида нисбатан арзон смартфонлар учун 2017 йилда Go Edition тизими ҳам ишлаб чиқарилган эди.
Google компанияси Go Edition талқинини 512 МБ.дан 1 гигабайтгача бўлган тезкор хотирага эга смартфонлар учун ишлаб чиқарганини эълон қилган эди. Яъни, Android 8.1 Oreo'га бу тизимни 4 ядроли MediaTek ёки бошқа бирор чипсет процессорларига ўрнатиш мумкин. Шу билан бирга, бу прошивка доимий хотира сиғими 4/8 ГБ бўлган смартфонларга ҳам мос келади.
Куни кеча Google яқин кунларда бир нечта янги смартфонларни сотувга чиқариши, уларнинг барчаси қадоқдаёқ Android Go, яъни Android 8.1 Oreo бошқарувида ишлашини эълон қилди. Энг аҳамиятли жиҳати эса, бу смартфонларнинг нархи бор-йўғи $49 долларни ташкил қилади.
Америкалик корпорация бу смартфонларни жамоатчилик эътиборига кейинги ҳафта старт оладиган MWC 2018 анжуманида намойиш қилиш режасида. Бунинг учун кўргазма ҳудудида махсус намойиш майдончаси ҳам тайёрланмоқда.
Android 8.1 Oreo (Go Edition) операцион тизимида корпорация томонидан ишлаб чиқарилган дастурлар ўрин олган. Бугунги кунда Google томонидан кўрсатиладиган YouTube, Gmail, GBoard ва бошқа хизматларнинг "енгил" талқини ҳам ишлаб чиқарилган.
$49 долларлик смартфонлар эса жаҳоннинг энди ривожланаётган. шунингдек интернет тезлиги паст давлатларида истиқомат қиладиган, даромади юқори бўлмаган аҳолига мўлжалланган.
