520 000 сўмга тўрт камерали смартфон бор!

  •   DiMaX
  •  4783
  •  09.01.2018 19:01

520 000 сўмга тўрт камерали смартфон бор!

Смартфонлар бозорида ҳамёнбоплари кўп, айримларининг хусусиятлари эса нархига нисбатан анча яхши ҳам. Шулардан бири Leagoo M9 бўлиб, унинг ташқи кўриниши флагман, техник хусусиятлари эса ҳамёнбоплигига мосдир.

ЎҚИНГ: Нархи таннархига тенг яхши смартфонлар (сентябр ҳолати бўйича AnTuTu талқини)

Leagoo M9 моделининг диагонали 5,5 дюймлик ўлчамга эга, чеккалари қайрилма IPS-экрани трендга мос – томонлари ўзаро 18:9 нисбатда. Унинг тасвир аниқлиги 1280х640 пикселга тенг, яъни дисплей HD форматида. Ромсиз экран бир вақтнинг ўзида бешта тегинишни сезувчи мультитач хусусиятига ҳам эга.

Смартфоннинг иш самарадорлигини таъминлашда тўртта ядроли Mediatek MTK6580 процессорига Mali 400MP2 видеочипи ҳамда 2 гигабайт ҳажмли тезкор хотираси ёрдамга келади. Тўғри, кўп ресурс талаб қилувчи, графикаси кучли ўйинларни бу гаджетда ўйнаб бўлмайди. Аммо Android Nougat операцион тизими интерфейсининг ва оддий иловаларнинг ишлаши учун юқоридаги хусусиятлар етиб ортади.

ЎҚИНГ: Энг арзон смартфонлар: уларга қандай процессорлар қўйилади?

Телефоннинг ички хотираси 16 гигабайт ҳажмга эга, унга 128 гигабайтгача ҳажмли MicroSD-карт қўйиш имкони мавжуд. Мазкур қурилмада иккита SIM-карта слоти мавжуд, у 3G уяли алоқа тармоғини қўллаб-қувватлайди.

Leagoo M9’нинг энг эътиборга сазовор жиҳатларидан бири унинг камераларидир. Зеро, бу девайснинг аоссий камераси ҳам, олд камераси ҳам қўшалоқ объективли ва LED-чақноққа эга! Орқа панелда 8 ва 2 мегапикселли модуллар остида бармоқ изи сканери ҳам ўрин олган. Олд камеранинг 5 ва 2 мегапикселли модуллари эса, яхши ёритилмаган шароитларда ҳам олд фоточақноқ ёрдами билан ажойиб селфилар олиш имконини беради.

ЎҚИНГ: 2018 йил бошида энг оммалашган 10 смартфон

Телефонга 2850 мА/соат сиғимли аккумулятор ўрнатилган бўлиб, унинг қуввати кутиш режимида 2–3 кунга, узлуксиз фойдаланиш режимида эса 6–7 соатга бемалол етади. Leagoo M9 симсиз алоқанинг Wi-Fi ва Bluetooth интерфейсларини, навигация тизими эса GPS ҳамда A-GPS тизимларини қўллаб-қувватлайди.

Шунча хусусиятлари ва флагманлардек кўриниши билан, мазкур қурилмага атиги 60 АҚШ доллари миқдорида нарх белгиланган, бу эса тахминан 520 000 сўмга тўғри келади! Уни AliExpress онлайн савдо платформасидан харид қилиш учун мана бу ҳавола орқали тегишли саҳифага ўтишингиз, у ерда смартфоннинг бошқа хусусиятлари ва суратлари билан ҳам танишишингиз мумкин.

Агарда онлайн савдо бўйича тажрибангиз етарли бўлмаса, у ҳолда Leagoo M9’га «Terabayt.uz» сайтимиз орқали буюртма бериш имкони ҳам мавжуд.

ЎҚИНГ: AliExpress’даги товарларга «Terabayt.uz» орқали буюртма беринг!

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.