5G’ни қўллаб-қувватлайдиган илк смартфон: Samsung эгилувчан смартфонни бошқалардан аввал чиқармоқчи
Рақобатчилари борган сари кўпайиб бораётганига қарамай, Samsung компанияси эгиладиган смартфонни бошқалардан аввалроқ чиқаришни режалаштирмоқда. Янги қурилмага Galaxy Х деб ном ҳам берилган (албатта, норасмий тарзда).
Аммо, анчадан буён Samsung’дан Huawei компанияси илгарилаб кетади, деган миш-мишлар тарқалган. Қолаверса, эгилувчан қурилма устида Xiaomi ва Oppo компаниялари ҳам иш олиб бораётгани ҳақда маълум қилинганди.
Аммо, Samsung компаниясининг мобиль қурилмалари бўлими раҳбари Дон-Джин Кох (D. J. Koh) нинг баёнот беришича, кореялик гигант биринчиликни ҳеч кимга бермоқчи бўлаётгани йўқ ва эгулувчан смартфонни ҳаммадан олдин ишлаб чиқармоқчи.
ЎҚИНГ:Galaxy Note 9 тақдим қилинди: Samsung'нинг энг кучли ва қиммат смартфони
Ушбу биринчи эгилувчан смартфоннинг 5G'ни қўллаб қувватлаши ҳақида Дон-Джин Кох қизиқ гапни айтиб қолди: маълум бўлишича, 5G'ни қўллаб-қувватлайдиган смартфон аввал кутилганидек, Galaxy S10 бўлмайди. Унда қайси смартфон 5G'ни қўллаб-қувватлаши ҳақидаги савол ҳозирча очиқ қолдирилмоқда. Демак, бу смартфон айнан эгилувчан Galaxy Х бўлиши мумкин.
Мухтасар қилиб айтганда, мазкур хабардан шундай хулоса ясаш мумкин: Galaxy Х нафақат эгилувчанликда, балки у 5G'ни қўллаб-қувватлашда ҳам биринчи бўлиши мумкин.
Эслатиб ўтамиз, ушбу қурилманинг тақдимоти келаси йил бошига режалаштирилган, қолаверса янги қурилманинг нархи 1850 доллар туриши ҳақида ҳам маълум қилинганди.
ЎҚИНГ:Эҳтиёт бўлинг! SHAASUIVG – Samsung эмас