6 ГБ оператив хотирага эга Huawei Mate 9 cотувга чиқарилди
Шу йилнинг ноябрь ойида Хитойнинг Huawei компанияси флагман Mate 9 моделини Huawei Mate 9 моделини намойиш қилган эди. Флагманнинг стандарт версияси 4 ГБ, Porsche Design версияси эса 6 ГБ оператив хотира билан таъминланган.
IXBT нашрининг маълум қилишича, эндиликда хитойлик гигант ушбу фаблетнинг стандарт версиясини ҳам 6 ГБли оператив хотира билан сотувга чиқаришга қарор қилган. Албатта, моделнинг 4 ГБли хотирага эга версияси ҳам сақлаб қолинади.
Хитойдаги дўконларда 6 ГБ оператив ва 128 ГБ доимий хотира эга бўлган Huawei Mate 9 тахминан 800 АҚШ доллари нархида таклиф этилмоқда, деб ёзмоқда нашр. Европада эса худди шундай версия 950 доллар нархида сотувга чиқади.
