Android 6 Marshmallow: қайси қурилмаларда уни янгилаб олиш мумкин?

Google айрим қурилмалар учун мазкур мобиль операцион тизимининг янги талқинини юклаб олиш имкониятини яратди. 2015 йилда бу имконият Nexus 5, 6, 7 ва 9, шу билан бирга Nexus Player қурилмалари учун яратилган эди. Шундан сўнг янги талқин LG G4, Samsung Galaxy Note 4 ва Moto G аппаратлари учун тақдим қилинган. Қолган қурилмаларга мазкур операцион тизимни юклаб олиш имкониятининг муддатлари эълон қилинди.

Қувват тежовчи, иловаларни бошқариш имкони мавжуд, бармоқ изи орқали кириш, USB-C технологиясини жамлаган бу тизимнинг охирги талқинини янгилаб олиш имкони мавжуд аппаратлар ҳақида маълумот берамиз.

Google ва Nexus

Агар сиз Nexus эгаси бўлсангиз, демак омадингиз бор экан! Боиси мазкур дастурий таъминотдан биринчилардан бўлиб, Google’нинг Nexus қурилмаларида фойдаланиш мумкин. Айниқса, Motorola томонидан ишлаб чиқарилган шу турдаги аппаратлар дастурни осонлик билан янгилаб олади.

Янги Nexus 5X ҳамда Nexus 6P мобиль аппаратларида Marshmallow тизими ўрнатилган ҳолда сотувга чиқарилмоқда.

Nexus 5, Nexus 6, Nexus 7 (2013), Nexus 9, Nexus Player, Pixel C ва Android One смартфонлари фойдаланувчилари ҳам Андроиднинг сўнгги талқинидан баҳраманд бўлишлари мумкин.

Samsung

Samsung қурилмаларида Marshmallow’ни янгилаб олиш Android Lollipop тизимидагидек осон кечмайди.

Samsung’нинг Galaxy Note 4 қурилмаси янги Marshmallow тизимини олиши мумкин бўлган биринчи аппарат. Айни вақтда у Венгрияда ишлаб чиқарилмоқда. Ҳа, у Samsung Galaxy Note 5, Samsung Galaxy S6 Edge+ ёки Samsung Galaxy S6 қурилмаларидан олдин бу имкониятга эга бўлди. Компания 2015 йилнинг декабрь ойида Samsung Galaxy Note 5 ва Samsung Galaxy S6 Edge+ Marshmallow’нинг янги талқинига эга бўлишини ваъда қилган эди. Аммо бундай бўлмади. Янги режага мувофиқ, бу қурилмалар шу йилнинг январь ойида тизимни янгилаб олишлари мумкин.

Samsung Galaxy S5 ва унинг барча турдошлари 2016 йилнинг июнида энг сўнгги Marshmallow’ни юклаб олишлари мумкин. Samsung Galaxy Alpha қурилмалари бу имкониятга шу йилнинг 2 чорагида эга бўладилар.

Samsung Galaxy S5’гача бўлган қўл телефонлари Андроиднинг сўнгги талқини билан таъминланишлари ҳозирча номаълум. Улар Android Lollipop тизимига эга.

Тез орада Samsung Galaxy Tab S2 ва Samsung Galaxy Tab S, The Galaxy Note Pro 12.2 планшетлари учун ҳам Marshmallow’нинг янги талқини тақдим этилади.

Қолган қурилмаларнинг бу борадаги тақдири ҳозирча номаълум. Мисол учун, The Samsung Galaxy Note 10.1 (2014) ҳали ҳам Android KitKat мобиль операцион тизимида ишлайди. Экспертлар уни аллақачон Lollipop ва Android Marshmallow тизимларига алмаштириш зарурлигини таъкидлашмоқда.

HTC

HTC One M9 ва HTC One A9, HTC One M8 декабрь ойида Android 6 тизимига эга бўлиши керак эди. Бу тўғрида HTC’нинг Маҳсулотлар бўйича менежери Твиттердаги саҳифасида эълон қилган. Аммо бу имконият ҳозир фақат компаниянинг АҚШда яшайдиган фойдаланувчиларида мавжуд. HTC One M8 қурилмасигина январь ойида янги талқиндаги тизимни юклаб олиши мумкин.

HTC компанияси Андроиднинг  HTC One M9+, HTC One E9, HTC One ME, HTC One E8, HTC One M8 EYE, HTC Butterfly 3, HTC Desire 826, HTC Desire 820 ва HTC Desire 816 қурилмаларига мўлжалланган сўнгги талқини яқин орада эълон қилинишини тасдиқлаган.

Sony

Компания операцион тизимнинг янги талқини унинг Xperia Z5, Xperia Z5 Compact, Xperia Z5 Premium, Sony Xperia Z3+, Sony Xperia Z3, Sony Xperia Z3 Compact, Sony Xperia Z4 Tablet and Sony Xperia Z3 Tablet Compact мобиль қурилмалари учун тез орада тақдим қилинишини айтган. Xperia Z1 қурилмаси ҳақида эса бирор янгилик айтилмаган.

Шунингдек, The Xperia Z2, Xperia Z2 Tablet, Xperia M5, Xperia C5 Ultra, Xperia M4 Aqua ва Xperia C4 ҳам Marshmallow’нинг янги қулайликларига эга бўлади.

Ҳозирча фақат Z5 сериясидаги қурилмаларнинг январь ойида тизимни юклаб олишлари мумкинлиги айтилмоқда.