Android P бета-версияси чиқди. Қайси смартфонларга уни ҳозироқ ўрнатиш мумкин?

Google компанияси ўз мобил операцион тизимининг тўққизинчи – Android P талқинини тайёрламоқда. Унинг биринчи бета-версиясини икки ойча аввал синовчилар ихтиёрига топширган эди, куни кеча эса навбатдаги – иккинчи бета-версияси ҳам тақдим этилди.

ЎҚИНГ: Android 9.0 P Developer Preview чиқишига оз қолди!

Android P илк бета-версиясини фақатгина биринчи ва иккинчи авлод Pixel смартфонлари эгалари синаб кўришлари мумкин бўлган бўлса, янги талқин яна бошқа ишлаб чиқарувчиларнинг бир нечта моделлари учун ҳам тақдим этилди.

Мана, Android P иккинчи бета-версиясини ўрнатиш мумкин бўлган смартфонлар рўйхати қуйидагича:

1. Sony Xperia XZ2
2. Xiaomi Mi Mix 2S
3. Nokia 7 Plus
4. Oppo R15 Pro
5. Vivo X21
6. OnePlus 6
7. Essential PH-1
8. Google Pixel
9. Google Pixel XL
10. Google Pixel 2
11. Google Pixel 2 XL

Агар сиз мана шу моделлардан бирини ишлатаётган бўлсангиз, у ҳолда Android P бета-синов дастурида иштирок этишингиз мумкин. Бунинг учун мана бу ҳавола орқали Android Beta сайтига ўтишингиз ва шартларни қабул қилишингиз лозим. Сўнг смартфонингизда янгиланишларни текшириб кўрасиз ва уларни ўрнатиб оласиз. Android P бета-версиясини ўрнатишда смартфонингиздаги барча фойдаланувчи маълумотлари ва созламалари сақланиб қолади.

ЎҚИНГ: Android 9.0 P тизимли Google Pixel 3 флагманини томоша қиламиз!