AnTuTu’да рекорд ўрнатган OnePlus 6’ни батафсил томоша қиламиз! (+видео)

  •   DiMaX
  •  2305
  •  23.03.2018 10:50

AnTuTu’да рекорд ўрнатган OnePlus 6’ни батафсил томоша қиламиз! (+видео)

Гарчи дунёда энг машҳур смартфонлар – купертинолик гигантнинг iPhone ҳамда жанубий кореялик гигантнинг Galaxy туркумидаги қурилмалари бўлса-да, турли жиҳатларига кўра энг кучли телефонларни барибир хитойликлар чиқармоқда. Жумладан, OnePlus компанияси бу борада кўпчиликдан илгарилаб кетган.

ЎҚИНГ: ЭКСКЛЮЗИВ ВИДЕО: OnePlus 5T ҳатто iPhone X ва Samsung Galaxy S8’дан ҳам зўр чиқди!

Ушбу ишлаб чиқарувчи бу йил OnePlus 6 моделини тақдим этиши кутилмоқда. Яқинда мазкур қурилманинг прототипи AnTuTu бенчмаркида синовдан ўтказиб кўрилди ва ҳайратланарли натижани қайд этди.

Кўриб турганингиздек, A6000 модел рақами остида тестдан ўтказилган OnePlus 6 смартфони прототипи рекорд даражада – 276510 балл тўплади. Бу билан у ушбу бенчмаркдаги олдинги рекорд – ҳали тақдим этилмаган Xiaomi Mi Mix 2S тўплаган 270461 балл кўрсаткичидан ҳам ошиб ўтди.

Айтиш керакки, экрани iPhone X дизайнида бўлган OnePlus 6 смартфонининг «жонли» суратларини эълон қилганмиз.

ЎҚИНГ: OnePlus’нинг «кемтик»ли экранга эга янги флагманини илк «жонли» суратда кўринг!

Энди эса, Science and Knowledge номли YouTube-канал муаллифлари инсайдерлик маълумотлари асосида OnePlus 6 флагманининг рендер суратлари ва видеосини ишлаб чиқишди. Уларнинг талқинида ушбу смартфон iPhone X’нинг навбатдаги Android-нусхаси бўлиб қолган – «ўйиқ»ли дисплей ва тикка жойлашган қўшалоқ камера худди купертиноликларнинг суперфлагманидаги каби. Фақат бу моделда бармоқ изи сканери корпуснинг орқа панелида бўлмайди, балки уни дисплейнинг ўзига интеграция қилишади.

OnePlus 6 смартфонининг Optic AMOLED-экрани диагоналига 6,28 дюйм ўлчамга эга, пикселлар зичлиги 2280х1080 га тенг (FHD+ форматида). У ҳозирда энг илғор бўлиб турган Snapdragon 845 процессорида ишлайди. Қурилманинг тезкор хотираси 8 гигабайт ҳажмга эга бўлади.

ЎҚИНГ: Энг кучли Android-смартфонлар (февраль бўйича AnTuTu талқини)

Келинг, Science and Knowledge дизайнерлари талқинидаги OnePlus 6 смартфонини видеода томоша қиламиз:

OnePlus 6’нинг 256 гигабайтлик доимий хотирага эга варианти 749 АҚШ доллари нархида сотувга чиқарилиши тахмин қилинган.

ЎҚИНГ: OnePlus 5T: кучли Android-флагман икки баробар арзон!

Сайт янгиликларидан доимий хабардор бўлиш учун Телеграм каналимизга қўшилинг!