App Store бўйича йилнинг энг яхши илова, мусиқа, фильм ва ўйинлари

  •   DiMaX
  •  2591
  •  09.12.2017 14:57

App Store бўйича йилнинг энг яхши илова, мусиқа, фильм ва ўйинлари

Одатда ҳар йилнинг охирига бориб турли соҳаларда якунлар тақдим этилади. App Store иловалар дўкони таҳририяти ҳам iOS-иловалар фойдаланувчилари орасида энг кўп кўчириб олинган ўйинлар, иловалар ва мусиқа альбомларини эълон қилган.

App Store’га кўра энг яхшилари

App Store таҳририятининг нуқтаи назарига кўра, якунига етаётган йилдаги тўртта асосий тренд қуйидагилардир: тўлдирилган реаллик иловалари; кўп фойдаланувчилар ўйнайдиган мобил ўйинлар; медитация ва руҳий соғлик иловалари; мутолаа ва ҳикоя қилиш иловалари.

Шундай қилиб, App Store таҳририяти iPhone’лар учун 2017 йилнинг энг яхши иловаси сифатида Calm дастурини, энг яхши ўйини тарзида эса Splitter Critters ўйинини танлаган. Таъкидлаш ўринлики, Splitter Critters яқинда энг яхши дизайн учун AppStore мукофотини ҳам олган. iPad’лар учун энг яхши илова тариқасида Affinity Photo фотомуҳаррири, энг яхши ўйин сифатида эса The Witness тан олинган.

ЎҚИНГ: 2017 йилнинг энг оммабоп ва энг қизиқарли бепул Android-ўйинлари

Фойдаланувчиларга кўра энг зўрлари

iOS-қурилмалар ишлатувчилар 2017 йилда энг кўп кўчириб олган ва ишлатган иловалар қуйидаги суратда кўрсатилган:

Apple қурилмаларида энг кўп фойдаланилган ва юклаб олинган ўйинлар эса мана бу суратда акс эттирилган:

Фильмлар, мусиқалар ва бошқалари

iOS-гаджетлар учун Дрейкнинг «More Life» мусиқий альбоми 2017 йилда энг машҳур бўлди. Apple ишқибозлари орасида Эд Шираннинг «Shape of You» қўшиғи энг кўп оммалашди.

2017 йилда iTunes’даги энг оммабоп фильм «Юлдузлар жанглари: Якка Қочқин» (Rogue One: A Star Wars Story) бўлса, «Тахтлар жанги» (Game of Thrones) сериали энг кўп томоша қилинган.

ЎҚИНГ: 2017 йилги энг оммабоп видеолар: тайча рақс, лабини қимирлатмай гапирувчи қизча ва Трамп инаугурациясига пародия!

Сайт янгиликларидан доимий хабардор бўлиш учун Телеграм каналимизга қўшилинг!