Apple патент қоидаларини бузганлиги учун VirnetX компаниясига 302,4 млн доллар тўлайди
Куни кеча бўлиб ўтган суд қарорига биноан Apple ўзининг Facetime сервисида хавфсиз коммуникация билан боғлиқ патент қоидаларини бузганлиги сабаб VirnetX Holding Corp. компаниясига 304,2 млн доллар тўлайди.
Даъвогар компания, асосан, ўзи томонидан ишлаб чиқилган технологияларни патентлаш ва улардан келадиган даромад орқали фойда кўради. VirnetX аслида ҳукумат ташкилотлари учун турли дастурий тизимлар яратадиган Science Applications International Corp. ташкилотининг ходимлари тарафидан таъсис этилган. Аввалроқ VirnetX патентлар борасида Microsoft ва Cisco каби компаниялар билан судлашгани ҳақида хабар берилган. Бу сафар мазкур фирма Apple билан учинчи марта судлашмоқда. 2010 йилда VirnetX ўзига тегишли 4 та патент бўйича муалллифлик ҳуқуқи бузилгани учун Apple’га қарши даъво қўзғаган. Аммо АҚШ Аппеляция суди ишни Apple фойдасига ҳал қилган. Иккинчи марта эса компания шу йилнинг бошида Apple’га қарши судлашган.
Энлиликда иккала компания патентлар баҳси борасида жуда катта тажрибага эга Вашингтон Округ судида барча мунозараларга якун ясамоқчи.
