АҚШ сенатори смартфон-қурол Америкага мусибат келтиришини айтди
Жорий йилнинг март ойида Американинг Ideal Conceal техник қурилмаларни ишлаб чиқариш билан шуғулланувчи компанияси 380 калибрли смартфон-қуролнинг лойиҳаси тақдим этган эди.
Компания ушбу қуролни ишлаб чиқариш учун патент ҳам олишга улгурган ва қуролнинг илк намунасини май ойида намойиш қилади. Қуролнинг ёз фаслидан бошлаб сотувга чиқарилиши режалаштирилмоқда.
Америкалик сенатор Чарльз Шумер яқин орада сотувга чиқариладиган “Ниқобланган смарфтон”нинг ишлаб чиқарилишига жим қараб туриш америкаликлар учун катта мусибатларни олиб келиши мумкинлигини айтмоқда.
Смартфон-қурол ишлаб чиқарувчисининг расмий веб-сайтида эса “Ҳаммаёқда смарфтонларнинг борлиги сизнинг янги смартфонингизнинг ҳар қандай муҳитга осонлик билан сингиб кетишини таъминлайди” деган чақириқни кўриш мумкин.
395 АҚШ долларидан сотиш кўзда тутилаётган “Ниқобланган смарфтон”нинг “юқори тезкорлик ва такомиллашган аниқлик” деб бошланувчи шиори ва тарғибот ишлари жамоатчиликда унга нисбатан юқори қизиқишни уйғотмоқда.
Сенаторнинг айтишича, бу каби совуқ қурол жиноят ишларидаги чигалликларни янада мураккаблаштириб, полициянинг чалғишига сабаб бўлади.
“Қуролга жуда ўхшаш ўйинчоқларнинг сотилиши мантиқ ва тарбия нуқтаи назаридан қанчалар нотўғри бўлса, ўйинчоққа ўхшаш қуролнинг сотилиши ҳам худди шу каби калтабинликдир,” дейди сенатор.
