Бармоқ изи сканерини бир уринишдаёқ ишлайдиган қиламиз!

  •   DiMaX
  •  10768
  •  19.03.2018 11:46

Бармоқ изи сканерини бир уринишдаёқ ишлайдиган қиламиз!

Ҳозирда аксарият смартфонларда фойдаланувчи маълумотларини ҳимоялаш учун қурилманинг қулфини бармоқ изи сканери орқали очиш ҳам жорий этилган. Лекин айрим ҳолларда шу дактилоскопик датчик яхши ишламай қолиши кишини хуноб қилади.

ЎҚИНГ: MDC Grand – бармоқ изи сканери ва HD-дисплейга эга энг ҳамёнбоп смартфон!

Android-қурилманинг қулфини бармоқ изи орқали битта уринишда оча олмаяпсизми? Демак, дактилоскопик сенсорнинг ишини яхшилашингиз керак экан. Бунинг учун тизим созламаларига битта ўзгартириш киритиш кифоя – мазкур датчикнинг иши бир неча каррага яхшиланади.

Қани, кетдикми?

Бунинг учун тизим «Созламалар»и – «Настройки» менюсини очинг ва ундаги «Блокировка ва Ҳимоя» («Блокировка и Защита») ёки «Хавфсизлик ва жойлашув» («Безопасность и местоположение») бўлимига киринг.

Шу жойдаги «Бармоқ изи билан бошқариш» («Управление отпечатками») бандини очинг.

Эътибор берган бўлсангиз, битта смартфонга биттагина эмас, балки бир нечта бармоқ изини ўрнатиш мумкин. Сиз эса шуларнинг ҳар бирига фақат битта бармоғингиз изини ўрнатиб чиқасиз.

Кейин эса бармоқ изи сенсорининг ишлашини аввалги ҳолати билан солиштириб кўринг – у анча сифатли ишлаётганига амин бўласиз.

Энди шошилинч пайтда ҳам сканер панд бериб қўймайди – бармоғингиз изини бир уринишдаёқ таниб, тизим қулфини очиб беради.

ЎҚИНГ: Samsung ва Apple уддалай олмаган технология Nokia флагманига жорий этилади!

Хабарларни тез ва осон ўқиш учун Андроид иловамизни сақлаб олинг.