Blackberry Porsche Design “Малика”даги камёб смартфон

Blackberry Porsche Design “Малика”даги камёб смартфон

2012 йилнинг май ойида RIM (ҳозирда Blackberry) компанияси смартфон бозорига P9981 Porsche Design моделини чиқаради. У кўринишидан 2,350 доллар турадиган, корпуси металл ва чармдан тайёрланган Bold 9900 смартфонини эслатиб юборар эди. Ундан сўнг эса, компания 2013 йилнинг декабрь ойида яхшигина даромад келтирган BlackBerry Z10’нинг техник имкониятларига эга BlackBerry P’9982 Porsche Design, яъни Германиянинг “Порше” автомобиль бренди шарафига махсус кўринишдаги смартфонни ишлаб чиқара бошлайди.


Гаджетни қўлга олишиз билан сизни ҳайратлантирадиган биринчи жиҳат — унинг енгил вазни. Уни тайёрлашда шиша, зангламайдиган пўлат, чарм каби сифатли ва пишиқ материаллардан фойдаланилган бўлса ҳам, вазни iPhone 4s’ники каби — 140 грамм, яъни мобиль қурилма учун айни зарур вазн.


Бундан келиб чиқадики, смартфон корпусини тайёрлашда унинг вазнини енгилроқ бўлишига эришиш учун пластик хомашёсига ёпишиб олиш керак эмас. Аксинча, пластик корпусни янада оғирлаштиради. Смартфон энига 131 мм, бўйи — 65.6 мм ва корпус қалинлиги 9.5 мм.


Корпуснинг орқа панелида ётқизилган чарм жуда бежирим ва бахмал каби момиқ.
Дисплей конструкциясининг ечими — тўлиқ шиша. Корпус ва клавишлар зангламайдиган пўлатдан тайёрланган ва жилосиз қопламага эга. Унинг пўлат клавишсиз талқини ҳам бор. Смартфоннинг бозорда фақатгина кумушранг корпусли талқини мавжуд.


Орқа панелнинг юқорисида P’9982 модели белгиси туширилган шиша улоқ, камера ҳамда светодиодли фоточақноқ мавжуд.
P’9982’нинг фаолият самарадорлиги учун 2 ядроли, 1.5 Ггц частота тезлигида ишлайдиган Qualcomm Snapdragon S4 Plus процессори ҳамда Adreno 225 GPU видеокартаси масъул. Смартфон алоқанинг бир нечта тармоларида ишлайди. У BlackBerry 10.2 операцион тизими бошқарувида фаолият кўрсатади. Бу компаниянинг кучли ҳимояланган ва йиллар мобайнида шаклланган мобиль операцион тизими.


BlackBerry тизими кулранг ва пўлат рангли обойлар, соатли интерфейсга эга Porsche Design безак-мавзусига эга.
P’9982 смартфонига 2 ГБ сиғимли Snapdragon S4 Pro тезкор хотираси ўрнатилган. Телефон аппаратининг яна бир ўзига хослиги — аввалги моделлардан бир неча марта катта бўлган, 64 Гб доимий ички хотирасидир. Қолаверса, унга маълумот сиғими 64 Гб. бўлган қўшимча хотира картасини ҳам ўрнатиш мумкин.
BlackBerry P’9982 Porsche Design мобиль алоқа воситаси 4,2 дюймли дисплей билан таъминланган. Сиғимдор, мультитач сенсор сиғими 768 x 1280 пикселга тенг, яъни HD.


Смартфон сиғими 1800 мА соат бўлган аккумулятор билан таъминланган.
BlackBerry P’9982 смартфонида 8 МП бош камера мавжуд. Унда пиксель сиғими 3264 x 2448 бўлган сурат олиш мумкин. Бош камера автофокус функцияси, LED фоточақноққа эга.
Бош камерада видео барқарорлаштириш тизими бўлиб, унда секундига 30 кадр тасвирланган 1080p сиғимли видео ёзиш мумкин .
Смартфоннинг олд камераси 2 МП.
Смартфон алоқанинг GSM (850 / 900 / 1800 / 1900), HSDPA (850 / 900 / 2100), LTE (800 / 900 / 1800 / 2600) тармоқларида фаолият кўрсатади.
Шунингдек, симсиз алоқанинг Bluetooth (v4.0 A2DP), LE, Wi-Fi 802.11 a/b/g/n, GPS (A-GPS) тармоқларини қўллаб-қувватлайди.


BlackBerry P 9982 Porsche Design – ташқи дизайнда бошқаларникидан ажралиб турадиган ва замонавий, шу билан бирга камёб бўлган смартфон тутишни орзу қилганлар учун айни муддао. Корпус дизайни ўта ажабтовур бўлган, автомобилни эслатиб юборадиган услубдаги телефон аппаратининг нарх-навоси кучли процессор ёки операцион тизимга эмас, айнан дизайнига қўйилган.
2016 йилнинг 1 сентябрь ҳолатида «Малика» савдо марказида BlackBerry Porche 9982 телефон аппарати 3,870,000 сўмдан сотилмоқда.

Хулоса

Қаердан сотиб олиш мумкин?

 Афзаллиги

 Камчилиги

Сайт янгиликларидан доимий хабардор бўлиш учун Телеграм каналимизга қўшилинг!