Бу йилги iPhone'ларнинг нархи маълум қилинди

Бу йилги iPhone'ларнинг нархи маълум қилинди

Смартфон бозоридаги маркетолог ва экспертларнинг фикрларига кўра, Apple шу кунларда смартфонларининг ўртача нархини кўтариш режасида. Шу билан бирга, айфоннинг энг арзон модели янада қулай нархда сотувга чиқарилади. Юқори талқин баҳоси эса кўтарилади.

UBS маркетинг тадқиқотлари компаниясининг мутахассиси Стивен Милановичнинг AppleInsider
нашрида эълон қилган мақоласига кўра, корпорация жорий йилда нарх-наво сиёсатини икки хил сценарий асосида ташкил қилиши мумкин.

Булардан бири қуйидагича бўлиши кутилмоқда: 6.5 дюймли, OLED дисплейли iPhone 1099 АҚШ доллардан, айфоннинг 5.8 дюймли ва OLED-дисплейли талқини эса 999 АҚШ долларидан ҳамда 6.1 дюймли ва LCD-дисплейли модел 750 АҚШ долларидан сотувга чиқарилади.

Мавзуга дахлдор: iPhone SE (2017): йилнинг энг муносиб ўртаҳол смартфони

Тахмин қилинаётган иккинчи сценарий эса бир оз ижобий кайфият бағишлайди: янги айфонлар бу йил 1050, 900 ҳамда 700 АҚШ долларидан сотувга чиқарилади.

Таҳлилчининг фикрича, айфон ишқибозларининг 70% қисми янги iPhone қурилмалари учун 700 доллар ва бундан ошиқ миқдорда маблағга тўлашга тайёрлар. Олдинги йилларда бу кўрсаткич 40 фоиздан паст бўлган. Шундай экан Apple корпорациясининг нарх-наво борасидаги янгича сиёсати ҳеч кимни довдиратиб қўймайди.

Шу билан бирга, америкалик ишлаб чиқарувчи аввалги моделлар учун ҳам нархларни ўзгартиради. Мисол учун, Apple бу йил iPhone 8, iPhone 7 ҳамда iPhone SE моделларининг нархларини анча арзонлаштиради. Бунинг бош сабаби хитйолик смартфонлар билан рақобатда устун келишдир.

Ўқинг: Xioami  Redmi Note 4X: «Х»нинг сири нимада?

Бир муддат аввал эса мазкур йилнинг сентябрида биратўла учта iPhone тақдим қилиниш ҳақидаги хабар нуфузли RBC Capital маркетинг компанияси томонидан тасдиқланган эди.

Terabayt.uz сайтининг видеолари: Youtube'даги каналимизда!