Бунақаси бўлмаган: Galaxy S10 селфи-камераси экраннинг ўзига жойланган, аммо у «ғойиб бўла» олади! («жонли» суратлар)
Samsung компаниясининг навбатдаги флагман смартфони – Galaxy S10 ҳақида бир-биридан қизиқ маълумотлар чиқмоқда. Улар орасида энг қизиқарлилари эса гаджетнинг камералари билан боғлиқ, десак адашмаймиз.
ЎҚИНГ: Янги Galaxy S10 линейкасида чиқадиган учта смартфоннинг фақат биттасида учта камера бўлади
Навбатдаги «сизиб чиққан» маълумот эса Samsung Galaxy S10 смартфонининг селфи-камераси билан боғлиқ. Slashleaks ресурси эълон қилган қуйидаги «жонли» расмга кўра, ушбу флагманнинг олд камераси бевосита экраннинг ўзига жойланган:
Аммо кераксиз пайтда у дисплейдаги контентга халақит бермаслик учун «ғойиб бўлиш» хусусиятига эга!
ЎҚИНГ: 5G модулли Galaxy S10 ҳам чиқади, аммо уни биз сотиб ололмаймиз
Экранни имкон қадар корпус олд юзасининг кўпроқ қисмини эгаллайдиган қилиш мақсадида, олд камера ва бошқа датчикларни жойлаштириш учун дисплейнинг тепасида «кемтик» қолдиришни Apple бошлаб берган ва бошқалар унга эргашган эди. Буни қарангки, Samsung ўзининг «ашаддий рақиби»га эргашмасдан, оригинал ечим топибди!
Ҳозиргача тарқалган миш-мишларга кўра, Samsung Galaxy S10 моделининг учта модификациясида ҳам бармоқ изи сканери ҳам экранга интеграция қилинади. Бундан ташқари, жанубий кореялик компания 11 октябрь куни жуда антиқа – асосий камераси тўртта объективли бир смартфон тақдимотини белгилаган.
Samsung шу кунгача бозорга чиқарган аксарият русумлардаги смартфонлар эса Terashop.uz интернет-дўконимизда сотилмоқда. Улар билан танишиш, ўзингизга маъқул моделнинг хусусиятларини кўриш ва онлайн харид қилиш учун мана бу ҳавола орқали ўтишингиз мумкин.
