Бузилган Windows 7 операцион тизими файлларини қайта тиклаш

Бузилган Windows 7 операцион тизими файлларини қайта тиклаш

Кўп ҳолларда Windows операцион тизимига зарар етса, дарҳол уни қайтадан ўрнатишга тушиб кетамиз. Чунки тизимнинг бузилишига сабаб бўлган ҳодисани(балки вирусдир, қандайдир скриптдур) топиб, уни йўқ қилиш ҳамманинг ҳам қўлидан келавермайди. Шунинг учун вақтимизнинг камида 1 соатини тизимни қайта қўйиш ва керакли дастурларни қайтадан ўрнатиш учун сарфлаймиз. Шу билан биз компьютер устаси деган номга эришамиз (бу албатта нотоғри).

Фойдаланувчиларнинг қўпол хатолари эвазига Windows операцион тизимида кўп ҳолларда тизимнинг махсус файллари бузилиб ёки ўчиб кетиши мумкин. Биз эса бу файлларни қайта тиклаш ўрнига, албатта қайтадан операцион тизим қўйишга киришиб кетамиз. Тизимни ўрнатиш ҳамманинг қўлидан келади, бир маротаба кўриб олишнинг ўзи кифоя. Битта файлнинг бузилиши, бизнинг қанчадан қанча вақтимизни олишига сабаб бўлмоқда.

Бу мақоламда ман бузилган операцион тизим файлини (файлларини), янги файл билан алмаштириш йўлини кўрсатаман. Бу усул Windows 7 операцион тизимида синаб кўрилган ва хатосиз ишлайди. Бизга операцион тизимнинг “образи” керак бўлади(iso форматда бўлса уни ичини очиш лозим). Бу “образ” одатда DVD дискда бўлади. Операцион тизим файлини тиклаш учун қуйидаги ишларни амалга оширишимиз лозим:

  1. Операцион тизим ўрнатувчи(“Образ”, одатда Iso формат) дискидан керакли файлни очиш.
  2. Бузилган файлни ўчириб ташлаш.
  3. “Образ” дан олинган янги файлни эскиси билан алмаштириш.
  4. Компьютерни қайта юклаш.

Дастлаб керакли файлни операцион тизимнинг ўрнатиладиган DVD дискидан, мисол учун D:\TEMP каталогига ташлаб оламиз. Бу керакли файлнинг номи install.wim. Бу файлнинг ҳажми тахминан 2,65 Гб атрофида бўлади(“Образ” нинг асосини ташкил қилади)ва ўзида операцион тизимнинг (windows 7) барча файлларини сақлайди. Файлни D:\file каталогига очамиз. Бу файл одатда қуйидаги каталогда жойлашган бўлади.

G:\Windows_7_64_Ultimate\sources\install.wim

бу ерда G: — DVD қурилмаси.

Install.wim файли ичини оддий йўл билан очиб бўлмайди, яъни махсус утилитлардан фойдаланиш зарур. Операцион тизим ўрнатилиш пайтида шу файл (install.wim) автомат очилиб, ичидаги барча файллар танланган дискга нусхаланади ва тизим билан қурилмалар ўртасида боғланиш ва керакли созлаш ишлари амалга оширилиши бошланади.

Демак, кейинги қадамимиз шу файл ичини очишдан иборат бўлади. “Коммандная строка” ойнасини “Администратор” руҳсати билан очамиз.

ПУСК -> Все программы -> стандартные -> Командная строка(“мышка”нинг ўнг томони “Запуск от имени администратора”)

ва қуйидаги коммандани терамиз.

1
dism /Mount-Wim /WimFile:D:\TEMP\install.wim /name:"Windows 7 Ultimate" /MountDir:D:\file

Изоҳ:

dism – windows 7 операцион тизимининг утилитаси бўлиб, wim файллар билан ишлаш учун фойдаланилади.

/Mount-Wim – wim файл монтировка қилинаётганини кўрсатмоқда.

/WimFile – wim файл жойлашган каталог.

/name – операцион тизим номи (Ultimate, Enterprise,..)

/MountDir – монтировка қилинадиган каталог номи.

D:\file каталогини очсангиз, операцион тизим учун керак бўладиган барча файл ва каталогларни кўришингиз мумкин бўлади(тахминан c:\ дискингиз билан бир ҳил кўринишга эга бўлади). Шу барча файллар биргина install.wim файли ичидан чиқди.

Керакли файлни топамиз ва операцион тизим ўрнатилган каталогни очиб зарарланган файлни янги файл билан алмаштирамиз(оддийгина эскисини ўчириб, янгисининг нусхасини ташлаймиз). Сўнг wim файлни демонтировка қиламиз. Унинг учун “командная строка” га қуйидаги командани терамиз:

1
dism /Unmount-Wim /MountDir:D:\file /discard

Изоҳ:

/UnmountWim — “Образ”ни демонтировка қиламиз.

/MountDir: — монтировка қилинган чаталог(папка) ни кўрсатамиз.

/discard – барча .wim файли билан қилинган ўзгаришларни сақламаймиз.

Охирида, install.wim файлини ўчирамиз. Файлни очганимизда ҳосил бўлган барча файллар демонтировка пайтида йўқолади. Сўнг операцион тизимни қайтадан юклаймиз (перезагрузка).

Манба: ITportal.Uz

Terabayt.uz сайтининг видеолари: Youtube'даги каналимизда!