Canon’нинг чўнтакбоп профессионал камераси апрелда сотувга чиқади

Canon’нинг чўнтакбоп профессионал камераси апрелда сотувга чиқади

Canon компаниясининг Rebel туркумига мансуб DSLR – бир линзали рақамли камералари кўплаб ҳаваскор фотографларга бу машғулотнинг янги жиҳатларини кашф қилиш, ажойиб суратлар олишларига ёрдам берган.

Япониялик ишлаб чиқарувчи Canon мазкур туркумнинг энг сўнгги модели бўлмиш T6 камерасини олинган суратларни бошқалар билан ўртоқлашиш функцияси билан бойитди.

Rebel T6 камераси 18 МП сиғимидаги суратларни олади. Унда Wi-Fi ҳамда NFC симсиз алоқа технологиялари жорий қилинган. Энди унда олинган суратларни осонлик билан смартфонга ёки бошқа электрон қурилмаларга симсиз юклаб олиш мумкин бўлди.

Canon бунгача ҳам мазкур технологияларни Rebel T6s фотокамерасида татбиқ қилган эди. Rebel T6 мазкур профессионал камеранинг ихчамроқ ва арзонроқ талқинидир.

Камерада DIGIC 4+ русумидаги, аввалги процессорга нисбатан 60% тезроқ ишлайдиган махсус марказлаштирилган схема – процессордан фойдаланилган. Камера 3 дюймли, 920K дот (1 пиксель = 3 дот) сиғимли LCD экранга эга.

Rebel T6 суратдаги ёруғлик балансини автомат равишда созлаш функцияси билан таъминланган.

Canon EOS Rebel T6/1300D камераси  апрель ойидан бошлаб EF-S 18-55мм f/3.5-5.6 IS II стандартидаги зум-объективи билан биргаликда $549 АҚШ долларидан сотувга чиқарилади.

Rebel T6s камераси Amazon.com интернет дўконида объективи билан биргаликда 1000-1200 АҚШ долларидан сотилмоқда.

Сайт янгиликларидан доимий хабардор бўлиш учун Телеграм каналимизга қўшилинг!