CES 2017: Chuwi Hi13 планшетига юқори аниқликдаги экран ўрнатилган

CES 2017: Chuwi Hi13 планшетига юқори аниқликдаги экран ўрнатилган

Хитойнинг Chuwi компанияси CES 2017 кўргазмаси доирасида Intel Apollo Lake платформасида ишлайдиган Hi13 планшетини намойиш қилди, деб ёзмоқда 3D News сайти.

Планшетга 13,5 дюймли 3000 х 2000 пиксель форматидаги экран ўрнатилган. Пикселлар зичлиги – 267 ppi. Дисплей контрастлиги 1700:1, ёрқинлиги 400 кд/м2.

Модель 14 нм технологиясида яратилган Intel Celeron N3450 процессорида ишлайди. Максимум частотаси 2,2 ГГц. Процессорда Intel HD Graphics 500 график контроллери кўзда тутилган, 4 Гбайт оператив, 64 Гбайт доимий хотирага эга Wi-Fi интерфейси ва USB Type-C порти билан жиҳозланган.

Chuwi Hi13 планшети Windows 10 операцион тизимида фаолият кўрсатади, сотувга чиқиш ва нархига ҳозирча аниқлик киритилмаган.

Хабарларни тез ва осон ўқиш учун Андроид иловамизни сақлаб олинг.