CES 2017: Оқ рангли Xiaomi Mi Mix намойиш қилинди

CES 2017: Оқ рангли Xiaomi Mi Mix намойиш қилинди

Бундан икки ойлар муқаддим Хитойнинг Xiaomi компанияси Xiaomi Mi Mix номли рамкасиз экранга эга моделни омма эътиборига ҳавола қилган эди. Таъкидлаш керак, модель ўзининг инновацион ва футуристик кўриниши билан халқаро миқёсда катта шов-шувга сабаб бўлди. Ўшанда смартфон фақат қора рангда чиқарилган эди.

Ҳозирда АҚШнинг Лас-Вегас шаҳрида ўтказилаётган CES 2017 кўргазмасида хитойлик шоввоз ушбу инновацион смартфоннинг оқ рангли версиясини намойиш қилди, деб хабар бермоқда IXBT нашри. Ҳозирча оқ рангли корпусга эга версияиинг сотувга чиқиш санасига аниқлик киритилмаган. Бироқ компания вице-президенти Хьюго Барранинг қайд этишича, шбу модель қора рангли версиядан техник параметрлар бўйича фарқланмайди.

Тахминларга кўра, модель биринчи бўлиб Хитойда сотувга чиқиши кутилмоқда.

Сайт янгиликларидан доимий хабардор бўлиш учун Телеграм каналимизга қўшилинг!