Chromebook 13 ва 13 Spin’нинг афзалликлари нимада?

  •   Saroy
  •  942
  •  24.05.2018 15:31

Chromebook 13 ва 13 Spin’нинг афзалликлари нимада?

Acer компанияси ўзининг ўйин серияли ноутбуклари ва ПК’дан ташқари, хромбукларининг янги моделлари — Chromebook 13 ва Chromebook 13 Spin’ларни намойиш этди.

Chromebook 13 ва 13 Spin металл корпусга ҳамда  2256×1504 пикселли  IPS-дисплейга эга. Бундан ташқари, Chromebook 13 Spin моделининг экрани сенсорли бўлди. У 360 даража бурчакгача букилади ва ноутбукни амалда планшетга айлантиради.  Wacom EMR стилуси, иккита USB Type-C, USB 3.0 портларига, шунингдек, microSD картаси учун слотга эга. Қолаверса, у Wi-Fi 802.11ac ва Bluetooth 4.2. модуллари билан жиҳозланган.

ЎҚИНГ: 2018 йилнинг энг яхши ноутбуклари (15 май)

Янги қурилманинг қалинлиги 17 мм, оғирлиги эса,  1,6 кг. Ишлаб чиқарувчиларнинг айтишича, иккала хромбуклар ҳам битта зарядкада ишлайди ва қуввати 10 соатга етади. Янги лэптоплар иловани  Google Play онлайн-магазиндан юклай олади.

Chromebook 13 моделининг базавий комплектациясига Celeron 3865U процессори киради. Chromebook 13 Spin’ ни эса бир йўла Intel Core i3-8130U билан жиҳозлашган. Қиммат версиясига Intel Core i5-8250U' ўрнатилган. ОЗУ’нинг  энг юқори сиғими 16 ГБ, ички хотираси  — 128 гигабайт.

ЎҚИНГ: Chrome OS тизимли илк планшетни Acer тақдим этди

Янги Acer Chromebook 13 ва 13 Spin хромбуклари июнь ойида савдога чиқади. Унинг нархи АҚШ бозорида 399 доллар, Европада ҳам шу нарх, фақат еврода.