Динамиксиз Bluetooth-карнай намойиш этилди
Indiegogo платформасида Cisor номли динамиксиз Bluetooth-карнайни ишлаб чиқариш учун маблағ йиғиш жараёни якунланмоқда, деб ёзмоқда Gagadget нашри.
Bluetooth-карнайга ҳеч қандай динамик ўрнатилмаган бўлиб, у товушни исталган юза орқали ўтказиш хусусиятига эга. Бунинг учун гаджетга вибрация яратиш орқали исталган предметни товуш резонаторига айлантирадиган Damson’s Incisor Diffusion Technology ечими қўлланган. Bluetooth-карнай ўрнатиладиган объектнинг ҳажми қанча катта бўлса, чиқадиган товуш баландлиги ҳам шунча кучли бўлади.
Bluetooth-карнайни махсус мобил илова ёрдамида ҳам бошқариш мумкин. Ҳозирда ушбу карнай учун 49 доллар нарх белгиланган. Cisor февраль ойида сотувга чиқади.