DisplayMate жаҳондаги энг яхши дисплейли смартфонни айтди

DisplayMate жаҳондаги энг яхши дисплейли смартфонни айтди

Дисплейларнинг ранг узатиш аниқлиги ва бошқа параметрларини синовдан ўтказишга ихтисослашган DisplayMate корпорацияси яқиндагина тақдим қилинган Samsung Galaxy S8 ҳамда Galaxy S8+ флагман смартфонлари дисплейларини имтиҳондан ўтказиб кўрди. Infinity Display, яъни “туганмас дисплей” номини олган гаджет экрани DisplayMate томонидан юқори баҳоланди. Натижаларга кўра, Galaxy S8 девайслари айни пайтда жаҳоннинг энг яхши экранига эга смартфонлардир.

Samsung Galaxy S8’нинг Super AMOLED матрицали дисплейининг сиғими деярли 3К, яъни 2960х1440 пикселни қамраб олади. Унинг ёруғлик даражаси 1000 нит (ёруғлик ўлчови)га тенг. Таққослаш учун айтамиз, одатий компютерлар дисплейининг ёруғлиги 200 дан 350 нитгача бўлади.

Samsung Galaxy S8 экранидаги ранглар мутаносиблиги, яъни DCI-P3 техник стандартида ранглар гаммасининг акс этиш даражаси 113%га тенг. sRGB / Rec.709 ранг узатиш стандартларида эса бу 142%гача кўтарилган. Яъни, содда тилда айтадиган бўлсак, ҳатто қуёш нури остида ҳам экрандаги тасвир ва матн аниқ-тиниқ кўринади.

Шу билан бирга, Samsung Galaxy S8 мобил алоқа воситаси UHD Alliance халқаро ассоциациясининг Mobile HDR Premium сертификатини олган жаҳондаги илк смартфон. Ҳозиргача бундай сертификат фақат юқори сифатли телевизор экранларига берилар эди.

HDR, яъни «High Dynamic Range», аниқроғи кенгайтирилган динамик диапазон. Бу ўринда «кенгайтирилган» сўзи экрандаги равшанликнинг янада ошгани ва экраннинг ўзи ҳам рангни аниқ ифода этишга уринишини ифодалайди. Буни қуйидаги 2 хил, яъни чап томондаги HDR, ўнг томондаги оддий Full HD сиғимли экранлардаги тасвир мисолида таққосланг.

Samsung Galaxy S8 дисплейида экран ёруғлигини белгилайдиган 2 та сенсорнинг ўрнатилгани бу тизимнинг самарали ишлашига хизмат қилади. DisplayMate мутахассисларининг фикрича, смартфон экрани 4 режимда ишлайди. Экрандаги Always On Display функцияси, яъни дисплейнинг доимий фаол қисми учун алоҳида микросхеманинг ўрнатилгани экраннинг энергия сарфлаш миқдорини қисқартиради.

Хабарларни тез ва осон ўқиш учун Андроид иловамизни сақлаб олинг.