Ducati компанияси Monster номли болаларбоп велосипед ясади
Италиянинг мототехника ишлаб чиқарувчи Ducati компанияси митти харидорлар учун махсус велосипед ясади. Бу тўрт ғилдиракли велосипедчадир, аниқроғи иккита кичик ғилдираги орқада жойлашиб, таянч вазифасини ўтайди.
Яқин кунларда велосипедчанинг MonsterKID 12 ва MonsterKID 16 турлари қизил ва оқ рангларда сотувга чиқади. Иккаласи ҳам алюмин қувурли рамада ўрнашган. Вилка, кегай (спица) ва айрим қисмларигина пўлатдан ясалиб, қорага бўялган.
Олд ва орқа ғилдиракларида қўл тормози бор. Active-FM1216 услубидаги спортча эгар қўйилган. Пойгада иштирок этишга мўлжалланганлигини орқасига маҳкамланган сувдондан билиб олиш мумкин.
Суннат тўйи ўтказилаётган болалар учун яхшигина совға бўлишга арзийди.
