DxOMark экспертлари OnePlus 5 камерасини синовдан ўтказишди
OnePlus компаниясининг сўнгги флагмани бўлган OnePlus 5 тақдимотида смартфон ишлаб чиқарувчи томонидан энг яхши камерафон сифатида қайта-қайта эътироф қилинган эди. Жумладан, унинг камерасини тайёрлашда фотография бўйича нуфузли муассаса DxOMark лабораториясининг экспертлари иштирок этганликлари маълум қилинган эди. Яқинда эса мазкур камерафон имкониятлари DxOMark мутахассислари томонидан 87 баллга муносиб топилди.
Бу ҳозирча максимал баҳо эмас. Аммо DxOMark рейтингида Samsung Galaxy S6 Edge Plus, Huawei P10 ҳамда Sony Xperia XZ смартфонларидан сўнг 4-ўринни эгаллаган хитойлик учун бу ёмон натижа эмас.
OnePlus 5 девайсидаги бош камера қўш объективли бўлиб, улардан бири Sony'нинг 16 мегапикселли, ёруғлик линзаси f/1.7 бўлган датчиги, иккинчи модулнинг сенсори эса 20 МП, апертура ҳажми f/2.6.
Синов даврида олинган қуйидаги суратларга диққат қилинг:
Юқоридаги сурат смартфон камерасидаги 2 карралик яқинлаштириш функцияси ёрдамида олинган.
DxOMark экспертларининг маълум қилишларича, OnePlus 5'нинг автофокус тизими, айниқса портрет режимида ўзини кўрсатади. Шунингдек флагман:
- оқ тус балансини тўғри аниқлаш;
- ёрқин ва табиий ранг бериш;
- деталларни яхши акс эттириш;
- тезкор ва барқарор автофокуслашда аниқ ишлайди.
Бош камеранинг камчиликлари сирасига:
ёруғлик паст шароитда кичик деталларнинг "ейилиб кетиши"ни, объект контурида аниқликнинг йўқолишини айтиш мумкин.
OnePlus 5 гаджетининг сифатли видео тасвир олиши ҳам айтилган. Унинг бу борадаги имкониятлари 86 баллга баҳоланган.
