ЭКСКЛЮЗИВ ВИДЕО: Galaxy S9+ ва iPhone X дроп-тестда ўзаро беллашди!

  •   DiMaX
  •  2383
  •  23.03.2018 16:25

ЭКСКЛЮЗИВ ВИДЕО: Galaxy S9+ ва iPhone X дроп-тестда ўзаро беллашди!

Apple ўзининг iPhone X суперфлагмани шишасини умуман барча смартфонларда қўлланган энг мустаҳками, дея мақтанган эди. Samsung эса Galaxy S9 туркумидаги қурилмаларида янада қалинроқ дисплей ойнаси ва яхшиланган алюминий қотишмасини ишлатганини айтган.

ЎҚИНГ: Galaxy S9’нинг тўққизта устунлиги: 1. Gorilla Glass 5 ҳимояли Super AMOLED дисплей (+видео)

PhoneBuff сайти таҳририяти жамоаси эса етакчи смартфонсозларнинг шу икки модели корпуслари мустаҳкамлигини дроп-тест орқали синаб кўришди.

Журналистлар бу икки флагманни уч раундлик «олишув»да майдонга туширишди. Биринчи босқичда смартфонларни бетонга орқа тарафи билан текис ташлаб кўришди. Ҳар иккала қурилма ҳам иш фаолиятини сақлаб қолди, аммо Galaxy S9+ орқа панелининг шишаси дарз кетди. iPhone X корпуси эса айтарли шикастланмади.

Иккинчи турда эса смартфонларни корпусининг бурчаги билан ташлаб синашди. iPhone X яна максимал ўн балл олди, Samsung флагмани эса бу раундда ундан мўртроқ экани маълум бўлди. Аммо смартфонларни экрани билан бетонга ташлаб синалган учинчи босқичда вазият бутунлай тескарисига ўзгарди. Яъни, Galaxy S9+ дисплейига ётқизилган шишага ҳеч нима бўлмади, Apple суперфлагмани олд ойнаси эса дарз кетди.

ЎҚИНГ: Эксклюзив видео: iPhone X’ни 300 метрлик баландликдан ташласа нима бўлади?

Мана, бирга томоша қиламиз:

Гувоҳи бўлиб турганингиздек, уч босқичли синовдан сўнг журналистлар яна қўшимча раундларни ўтказишга қарор қилишди. Бунда смартфонларни яна ўн мартадан бетонга ташлаб синаб кўриш режалаштирилган эди. Бироқ бешинчи ташлашдан кейиноқ iPhone X гаджети «Уйга» ишорасини англамай қолди. Galaxy S9+ эса ўнинчи ташлашга ҳам бардош бериб, муносиб ғалабага эга бўлди.

ЎҚИНГ: Ҳамёнбоп Doogee S60 Lite – «ўлдириб бўлмас» 4G-смартфон

Terabayt.uz сайтининг видеолари: Youtube'даги каналимизда!