Энди Android ўйинларини смартфонга ўрнатмасдан туриб синовдан ўтказиш мумкин

Энди Android ўйинларини смартфонга ўрнатмасдан туриб синовдан ўтказиш мумкин

GDC 2016 конференцияси доирасида ташкил этилган Developer Day маросимида Google компанияси Android учун мўлжалланган мобил ўйинлар рекламасининг бутунлай янги шаклини намойиш этди. Эндиликда фойдаланувчилар қидирувга берилган ўзларини қизиқтирган ўйинларнинг синов кўринишини қурилмасига юклаб олмасдан туриб ўйнаб кўришлари мумкин. Мазкур технология ўтган йилнинг ноябрида синовдан ўтказиш бошланган стриминг иловаларга асосланган.

Ўйинни синовдан ўтказиш таклиф этилган реклама (унинг пулли ёки бепул экани — муҳим эмас) Android-қурилмаларда яқин ҳафталар ичида пайдо бўлади. Google вакилининг сўзларига кўра, мазкур функция фақатгина Wi-Fi`га уланган ускуналарда ишлайди. Ўйин вақти чекланган бўлиб, 10 дақиқадан ошмаслиги керак.

Компаниянинг яна бир муҳим янгилиги шундаки, дастурчилар учун янги API`лар бўлиб, улар иловаларга ёзувлар ва YouTube-каналдаги тўғридан-тўғри трансляцияни қўшиш имконини беради. Мазкур имконият яқин ойлар ичида фойдаланувчилар учун тақдим этилади.

Шунингдек, Google компанияси Google Play онлайн дўконига дастурчилардан мустақил равишда энг қизиқарли ўйинларни жойлаштирадиган Indie Corner бўлимини қўшишга ваъда бермоқда. Компания мазкур рўйхатга лойиҳаларни мустақил тарзда танлайди. Ҳозирча ўзгаришларнинг кучга киришига вақт бор, аммо янги Android N платформасининг синов талқини ҳозирда фойдаланиш учун очиқ.

Хабарларни тез ва осон ўқиш учун Андроид иловамизни сақлаб олинг.