Энг кўп сотилаётган смартфонлар рейтингида Apple етакчи, Samsung анча пастлади, Xiaomi эса кучли учликка чиқди!
Куни кеча Counterpoint тадқиқот компанияси жорий йилнинг биринчи чораги ҳолатига кўра дунё бўйича энг оммалашган смартфонлар рейтингини эълон қилди. Ўрганишлар натижаларига кўра, кучли ўнталикнинг нақ бешта поғонасини Apple маҳсулотлари забт этди!
ЎҚИНГ: Топ-10: Энг қудратли Android-смартфонлар (AuTuTu талқини)
Буни қарангки, 2018 йилнинг биринчи чорагида жаҳонда энг харидоргир бўлган моделлар купертинолик гигантнинг айнан энг қиммат моделлари – iPhone X ҳамда iPhone 8 Plus экан. Улар жами смартфонлар бозориининг тегишлича 3, 5 ҳамда 2,3 фоиз улушини ташкил этди.
Учинчи ўрин Android-смартфонлар орасида энг харидоргирига насиб этди, лекин бу Samsung ёки бошқа бирор етакчи компаниянинг эмас, балки нисбатан ёш Xiaomi корпорациясининг маҳсулоти бўлиб чиқди! Ўзиям унинг илғор флагманлари эмас, балки энг ҳамёнбоп Redmi 5A модели кучли учликка кирди.
Айтиш керакки, Xiaomi биринчи бор ушбу чоракда кучли учликка кира олган. Яна айнан шу Redmi 5A моделининг савдоси яқинда Strategy Analytics компанияси тадқиқотида ҳам юқори баҳоланган эди.
ЎҚИНГ: Энг арзон Xiaomi смартфони энг қиммат Samsung флагманидан қайси кўрсаткичда ўзиб кетди?
Тўртинчи ўрин ҳам «Осмон ости салтанати» вакилларига насиб этди – OPPO A83 модели. Мана, жорий йилнинг биринчи чорагида энг кўп сотилган смартфонлар ўнталиги қуйидагича кўриниш олган:
«Яшил роботчали» мобил қурилмалар бўйича етакчи – Samsung компанияси эса, кўриб турганингиздек, Galaxy S9 ҳамда Galaxy S9+ моделлари билан бешинчи ва олтинчи ўринларнигина эгаллай олган. Шунингдек, жанубий кореяликларнинг ҳамёнбоп Galaxy J7 Pro гаджети тўққизинчи ўринни эгаллаган.
Рейтингнинг еттинчи, саккизинчи ва ўнинчи поғоналари ҳам Apple’га тегишли – тегишлича iPhone 7, iPhone 8 ҳамда iPhone 6 моделлари.
