Энг тез ривожланаётган смартфон бренди маълум бўлди

Жаҳондаги нуфузли Counterpoint маркетинг тадқиқотлари компаниясининг навбатдаги изланиш натижаларига кўра, Xiaomi смартфон етказиб бериш бўйича дунёнинг бешинчи рақамли компанияси. Шу билан бирга, смартфон етказиб бериш кўрсаткичларининг ўсиши бўйича бу бренд яққол пешқадамлик қилмоқда.

Смартфон етказиб беришда Samsung биринчи, Apple иккинчи ўринни эгаллаган. Кореялик смартфон бренди жаҳон миқёсида сотилаётган 21 фоиз гаджетни ишлаб чиқараётган бўлса, америкалик рақибининг ҳиссаси 12 фоизни ташкил қилади. Қисқа фарқ билан кейинги ўрин Huawei компаниясига насиб қилган. Тўртинчи ўрин эса Oppo брендига насиб қилган. Xiaomi ҳамда Vivo кейинги ўринларни бўлишиб олган.

Қайд этилишича, Xiaomi компаниясининг смартфон сотиш кўрсаткичлари ўтган йилнинг шу даври билан солиштириб кўрилганида 84% га ошган.

Ҳозирча Xiaomi Шимолий Америка ва Европа смартфон бозорларида у қадар оммалашмаган. Компания жорий йилда бу борада йирик лойиҳаларни кўзламоқда. Бироқ, унинг рақиблари бўлган Apple ва Samsung жаҳон бозорларини эгаллаб олишган.

Huawei ҳам Осиё ва Европа бозорларида ўз ўринга эга. Экспертларнинг фикрича, ўсиш суръати шу тахлит давом этса, Xiaomi яқин йиллар ичида дунё бозорларига чиқади ва смартфон ишлаб чиқаришда жаҳоннинг пешқадамларидан бирига айланади.