Epson ихчам мини-компьютерни сотувга чиқаради
Epson фирмаси 0,74 литр сиғимли корпусда ишланган Epson Endeavor ST20E номли мини-компьютерни намойиш қилди, деб хабар бермоқда PHP нашри.
Epson Endeavor ST20E қурилмаси 615 доллар атрофида сотувга чиқарилиши кутилмоқда. Гаджетнинг ўлчамлари – 150 х 150 х 33 мм. Унга пассив режимда совутиладиган CPU Intel Celeron N3160 процессори ўрнатилган, 2 ГБдан 8 Гбгача оператив хотира жойлаш имконияти мавжуд. Файлларни сақлаш учун 500 ГБли HDD ёки 1 ТБли SSD-тўплагичдан фойдаланиш мумкин.
Гаджетни дискретли 3D-карта кўзда тутилмаган. Gigabit Ethernet, USB 3.0 (x4), USB 2.0, HDMI ва VGA интерфейсларини қўллаб-қувватлайди. Мини-компьютерга Windows 10, Windows 8.1 ва ҳатто Windows 7 операцион тизимларини ўрнатиш мумкин.