Eurasia Mobile Challenge иштирокчиларини рўйхатдан ўтказиш 31 октябрь кунига қадар узайтирилди
Beeline алоқа оператори “Евраосиё мобил кубоги” (Eurasia Mobile Challenge) ҳалқаро мобил иловалар танловига иштирокчиларни рўйхатдан ўтказиш вақти узайтирилгани ҳақида хабар беради.
Воқеани шарҳлар экан, Unitel‘нинг жамоатчилик билан алоқалар хизмати раҳбари Ораз Абдуразаков шундай деди: “Бугунги кунда Ўзбекистондан танловда иштирок этиш учун рўйхатдан ўтган гуруҳлар сони 100га етди. Сўнги пайт мобайнида дастурга бўлган катта қизиқиш уйғонгани сабаб, рўйхатдан ўтиш муддатини узайтириш ҳақида қарор қабул қилинди. Шундай қилиб, биз энг кўп сонли иштирокчиларга ўз иқтидорларини намоиш этишлари учун имкон берамиз”.
31 октябрь кунига қадар Ўзбекистонда мобил илова жорий қилган ҳар бир мутахассис www.eurasiamobilechallenge.com сайтида рўйхатдан ўтиб, 2017 йилнинг январь ойида бўлиб ўтадиган биринчиликнинг ҳудудий босқичига уч йўлланмадан бирини олиши мумкин. Ҳудудий босқич ғолиби I, II ва III ўрин учун мос равишда умумий нархи $20 000, $15 000 ва $10 000 миқдоридаги пуллик совринлар ва девайсларни қўлга киритади.
Танлов иштирокчиларининг ишлари ҳар бир иштирокчи-мамлакатнинг соҳа экспертлари томонидан новаторлик, муҳимлик, универсаллик ва ноёблик мезонлари бўйича баҳоланади. Танловнинг финали 2017 йилнинг февраль ойида Барселонадаги Mobile World Congress доирасида бўлиб ўтади.
