Эван Бласс 5 карра арзон ва илғор "iPhone X"ни эълон қилди

Эван Бласс 5 карра арзон ва илғор

2013 йилдан бошлаб фаолият кўрсатиб келаётган Doogee компанияси бугунги кунга қадар кўплаб ҳамёнбоп смартфон моделлари билан оммалашишга улгурди. Жумладан, компаниянинг янги смартфони ҳам iPhone X билан беллашмоқчи ва у рақибидан 5 карра арзон.

2017 йилнинг кузида Apple компанияси сотувга чиқарган iPhone X ҳар жиҳатдан такомиллашган смартфон сифатида эътироф этилмоқда. Уни харид қилишни ҳар ким ҳам хоҳлайди. Бироқ, энг арзон -- 64 гигабайтли талқиннинг ўзи бугун "Малика"да деярли 10 миллион сўмдан, халқаро бозорда ўртача 1000 АҚШ долларидан сотилаётганини ҳисобга олсак, бу флагман кўпчилик учун орзулигича қолади.

Айнан iPhone X'ни орзу қилган, бироқ чўнтаги кўтармайдиган харидорлар учун яқин кунлар ичида Хитойда Doogee V смартфони тақдим этилади. Бу телефон аппаратининг бир неча мезонларга кўра «Олма»никидан ҳам илғор экани айтилмоқда. Жумладан, нарх масаласида. Doogee V энг қиммат айфондан 5 карра арзон туради.

Инсайдер Эван Бласс интернетдаги ўзининг саҳифасига Doogee V смартфонининг суратини эълон қилди. Кўриниб турибдики, дизайни ва "истараси"дан бу смартфон iPhone X флагманининг нусхаси. Шундай бўлса ҳам, ўртада фарқ мавжуд. Маълумотларга кўра, Doogee V корпуси ҳам шиша билан ўраб олинган. Унинг ҳам олд панелининг юқорисида Apple смартфонидаги каби ўйиқ бор.

Суратлардан кўриниб турибдики, Doogee V смартфонида USB Type-C порти ҳамда қулоқчинлар учун 3,5 ммюли аудио туйнук мавжуд. iPhone X флагманида эса ҳам қувватлаш, ҳам мусиқа тинглаш учун Lightning порти бор.

Doogee V 6,2 дюймли экранга эга бўлган. Яна бир муҳим жиҳати -- унинг бармоқ изи сканери дисплейга ўрнатилган ва виртуал кўринишда.

Инсайдер томонидан тасдиқланишича, Doogee V смартфони тақдимоти шу йилнинг январи ёки февралида бўлиб ўтади. Унинг баҳоси $200 доллардан ошмайди.

Хабарларни тез ва осон ўқиш учун Андроид иловамизни сақлаб олинг.