Fortune: Дунёнинг нуфузли компаниялари рейтинги эълон қилинди

Fortune нашри 2017 йилнинг якунлари бўйича жаҳоннинг энг нуфузли компаниялари рўйхатини эълон қилди. Унга кўра, Apple корпорацияси бу йил кетма-кет ўн биринчи маротаба мазкур эътирофга сазовор бўлди.

Кучли ўнталикда бошқа технологик гигантлар орасидан Amazon (2-ўрин), Alphabet (3-ўрин) ҳамда Microsoft (7-ўрин) компанияларини кўриш мумкин.

Мазкур рейтингга ҳар йили АҚШ нинг 1000 та, жаҳонннинг 500 та энг сердаромад муассасалари киритилади. Уларнинг даромади камида 10 миллиард АҚШ долларини ташкил қилади. Ундан сўнг ҳар бир соҳа бўйича етакчи компания аниқланади. Умуман олганда, бу рўйхатга жаҳон миқёсида 29 давлатдан 680 компания ўрин олади.

Fortune мутахассислари бир қанча маркетинг ва молиявий институтлар билан ҳамкорлик қилиб, компанияларнинг қимматли қоғозлар бозоридаги ўрни ҳамда даромадини таҳлил қилишади. Шунингдек, нуфузли компаниялар овоз бериш йўли билан ҳам сараланади.

Шубҳа йўқки, Apple корпорацияси 2017 йилни юқори натижа билан якунлади. Маълумотларга кўра, ўтган йили мобайнида олинган юқори даромад туфайли унинг "чўнтаги"даги маблағ 900 миллиард долларга етган ва тез орада бу маблағнинг триллион долларга етиши кутилмоқда.