Франция – Европанинг энг инновациялашган давлати
Thompson-Reuters ўтказган тадқиқотда дунёнинг 100та энг инновацион корхона ва ташкилотлари аниқланган. Рўйхатдан Франциянинг 10 компанияси ўрин олган. Бундан Европадаги инновация бўйича етакчи мамлакат Франция деб хулоса қилиш мумкин. Ундан олдинги ўринларни Япония ва АҚШ эгаллаган.
Инновацион салоҳияти юқори француз корхона ва ташкилотлари сафига Alcatel-Lucent, Alstom, Arkema, Safran, Saint-Gobain, Thales, Baleo ҳамда CEA, CNRS, IFP киради.
Рейтинг тузишда мутахассислар ҳар бир мамлакатдаги патентлар сони, маъқулланган патентларнинг қайддан ўтган патентлар сонига нисбати, патентларнинг географик кўлами ва қадр-қиймати каби хусусиятларига эътибор беришди.
Экспертлар фикрига кўра, автомобилсозлик, фармацевтика ва кимё саноати шиддат билан ривожланмоқда.
