Galaxy Note 8: реклама буклети ҳаммасини фош қилди
Австралиянинг Ausdroid ресурси Samsung томонидан тақдимоти кутилаётган Galaxy Note 8 учун ишлаб чиқарилган реклама буклетини интернет тармоғида тарқатиб юборди. Унда фаблетга хос муҳим функция ва хусусиятлар нашр қилинган бўлган.
Реклама буклетида нима дейилади?
Юқоридаги брошюрада айтилишича, кейинги ҳафта намойиш қилинадиган смартфон аввалига бозорга тилла ҳамда қора рангли талқинларда сотувга чиқарилади. Бу дегани янги -- "Deep Blue Sea", яъни девайснинг денгиз рангли корпусидаги ўзига хос талқини кейинроқ сотувга чиқарилади.
Буклетда қайд этилган, Galaxy Note 8 телефонига хос муҳим жиҳатлар — 6,3 дюймли Infinity QHD + (1440x2960 пикселли) дисплей ва S Pen «ақлли стилус».
Шу билан бирга, фаблет янгича технологияда ишлайдиган қўш сенсорли бош камерага эга бўлган. F1.7 стандартидаги оптик линзага эга бу камерада 2 карралик яқинлаштириш, оптик барқарорлаштириш, кўз қорачиғи ҳамда юзни сканер қилувчи функциялар татбиқ қилинган.
Galaxy Note 8 чанг ва сув таъсирига бардошлилик белгисиб ўлган IP 68 гувоҳномасига эга бўлган. Шунингдек, унда тезкор қувват олиш функцияси ҳам жорий қилинади.
Galaxy Note 8 жиҳатлари:
SuperAMOLED матрицали 6,3 дюймли экран томонлари 18,5:9 га тенг бўлади. Шунингдек, экран Corning Gorilla Glass 5 ҳимоя шишаси билан қопланган бўлади.
Фаблет платформасида Qualcomm Snapdragon 835 чипи ҳамда + Adreno 540 видео-картаси ўрнатилади. Шунингдек, унинг Samsung Exynos 8895 чипи ва Mali-G71 MP20 видео-картасига эга талқини ҳам ишлаб чиқарилади. Бу платформа маълумотни 10 нанометрли жараёнда қайта ишлайди.
Galaxy Note 8 телефони 6 ГБ тезкор, 64 (+microSD) доимий хотира билан таъминланади.
Бош камера: 12 мегапикселли қўш сенсорлар: кенг бурчак остида суратга олувчи сенсор (f1.7 диафрагмали) + телеобъектив (f2.4 диафрагмали).
Олд камера: автофокус тизимига эга 8 мегапикселли сенсор. Оптик линза ҳажми -- f1.7.
Аккумулятор: 3300 мА соат.
Операцион тизим: Android 7.1.1 Nougat.
Ўлчамлари: 162,5 мм х 74,6 мм х 8,5 мм.
Бу маълумотлар қанчалар тўғри?
Брошюрада қайд этилишича, девайс Samsung'нинг Smart Switch иловаси билан бирга сотувга чиқарилиши ёзилган. Бу илова эски қурилмадаги барча маълумотларни осонлик билан янги фаблетга ўтказиш имконини беради. Бу Samsung'га хос ёндашув ва таклиф. Тақдимотга бир неча кун қолганда кимнингдир бундай сохта буклетларни тарқатишга ҳафсала қилиши қийин.
Эслатиб ўтамиз, Samsung Galaxy Note 8 гаджети 23 август куни тақдим қилинади ва кейинги кун сотувга чиқади.
Galaxy Note 8 Samsung тарихидаги энг қиммат смартфон бўлади. Унинг баҳоси Кореяда 1000 доллар, Европада 1100 долларни ташкил қилиши кутилмоқда. Аввалги гаджетларнинг нарх-навосини ҳамда Samsung Galaxy Note 8'нинг кутилаётган нархларини ҳисобга оладиган бўлсак, фаблет юртимиз бозорларида камида 1,100 АҚШ долларидан бошлаб сотилади.
