Galaxy Note 8 ва iPhone 7 Plus: қай бири яхшироқ?

  •   DiMaX
  •  1733
  •  16.02.2018 15:28

Galaxy Note 8 ва iPhone 7 Plus: қай бири яхшироқ?

Жанубий кореялик техногигантнинг мобил қурилмалари орасида ҳозирда энг илғори – Galaxy Note 8 фаблети ҳисобланади. Аниқроғи, у нафақат Samsung телефонлари ичида, балки умуман бозордаги Android-смартфонлар орасида тенгсиздир.

ЎҚИНГ: Ҳиндистонда "Йилнинг флагман смартфони" маълум қилинди

Galaxy Note 8 улкан ва ёрқин дисплейи, илғор процессори, оптик зумга ва тезкор автофокусга эга қўшалоқ камераси каби жиҳатларига кўра барча iPhone’лардан устундир. Унда қулоқчин учун 3,5 миллиметрлик тирқиш ҳам, иккита SIM-карта ёки хотира картаси учун слот ҳам бор – булар фойдаланувчига танлаш имконини тақдим этади. Гарчи батареяси нисбатан тезроқ бўшаб қоладиган бўлса-да, тезкор қувватлаш технологияси шарофати билан 70 дақиқадаёқ унинг аккумуляторини тўлдириш мумкин.

Умуман олганда, Samsung’нинг мазкур фаблети кўп жиҳатдан айфонлардан устунликларга эга.

ЎҚИНГ: Ринг: Galaxy Note 8'нинг iPhone X'га йўналган 6 та аниқ зарбаси

Ушбу фаблет қиймати доирасидаги нархларда унинг асосий рақиби – Apple’нинг iPhone 7 Plus смартфонини харид қилиш ҳам мумкин. Хўш, мазкур айфоннинг кореяликлар флагманларидан устун жиҳатлари нималарда?

Гарчи умумий афзалликлар – қулай iOS интерфейси, тезкор янгиланишлар, афсонавий Apple экотизими кабиларни ҳисобга олмаганда ҳам, нисбатан эски iPhone 7 Plus модели янги Galaxy Note 8’дан тўртта хусусиятига кўра баланд келади. Келинг, шуларга бир назар соламиз.

ЎҚИНГ: iPhone 7 Plus: Кучли. Ишончли. Қимматбаҳо. | Тўлиқ тавсиф

  1. Корпуси Galaxy Note 8’никидан кўра яхшироқ

Агарда асфальт ёки бетонга тушиб кетмаса, iPhone 7 Plus’нинг металлдан ясалган корпусига ҳеч нима бўлмайди. Galaxy Note 8’да эса унақа эмас – мазкур фаблетнинг шиша корпуси нисбатан тез синади. Қолаверса, уни таъмирлаш ҳам қийин ва кўп вақтни олади; ҳали нисбатан янги модел эканини ҳисобга олсак, унинг эҳтиёт қисмларини топиш ҳам мушкул. Еттинчи айфоннинг «плюсли» моделини таъмирлаш ва унга эҳтиёт қисмлар топиш эса унчалик мушкуллик туғдирмайди.

  1. iPhone 7 Plus’нинг овози яхшироқ.

Ушбу параметр қурилмаларнинг динамикларига ҳам, жамланманинг ўзидаги қулоқчинларга ҳам тегишли. Samsung’нинг фаблети ҳар иккаласида ҳам рақибидан ортда қолади, унга ҳатто AKG гарнитураси ҳам ёрдам юера олмайди. iPhone 7 Plus’ни эса колонка сифатида ҳам, плеер тарзида ҳам (тағин ҳатто стандарт AirPods билан) қўлласа бўлади. iPhone’ларда овоз чиқариш эталон даражасида, бу факт билан келишмасликнинг иложи йўқ.

  1. Аккумулятори кўпроқ вақтга етади.

Бу жиҳатига кўра ҳам еттинчи авлод айфоннинг қўли баланд келади. Тўлақонли фойдаланиш шароитларида ҳам, iPhone 7 Plus’ни суткада бир марта, ёки ухлашга ётаётган пайт қувватласа етарли. Galaxy Note 8 эса бундай ишлатишда кечки пайтга бориб, батареяси бўшайди. Тўғри, бенда операцион тизимнинг оптимизациясида ҳам гап кўп, аммо аккумулятор сиғими – бу мисолимизда ҳал қилувчи омил. Ахир, бундай улкан ва ёрқин экранли қурилма учун 3300 мА/соат камлиги кундай равшан-ку. Эҳтимол, бундай «ихчам» батарея қўйиш билан Samsung мазкур қурилмаларини портлашдан ҳимоялагандир.

  1. Эргономик томондан афзал.

Ҳаммаси оддий: гарчи сал қийинчилик билан бўлса-да, iPhone 7 Plus битта кафтга ўрнашади ва уни шу қўлнинг ўзи биланоқ бошқариш мумкин. Galaxy Note 8 моделида эса бунақа эмас – уни кафтга жойлаштиришнинг мутлақо имкони йўқ.

Хулосалар

Кимгаки дизайн, ҳайратланарли ташқи кўриниш, улкан экран ва кўп нарсани улаш эркинлиги муҳим бўлса, Samsung Galaxy Note 8 айнан уларга мос.

Apple iPhone 7 Plus эса – ишончли ва чидамли, катта дисплей ва ажойиб овоз тизимига эга смартфонни танлайдиганлар учундир.

Тўғри, бу хулосаларга қўшилмайдиганлар ҳам кўплаб топилади, зеро, ҳеч кимнинг фикри мутлақ ҳақиқат бўлмаслиги ҳам табиий-ку. Айниқса, Apple ва Samsung ишқибозлари орасидаги баҳсларда ёки iOS ҳамда Android тарафдорлари ўртасидаги тортишувларда бирор томонни тўла ғолиб, деб айтиш мушкул.

ЎҚИНГ: iOS ва Android зиддияти: боши берк кўча

Сайтимизнинг энг чиройли расмларини Инстаграмдаги саҳифамизда томоша қилинг!