Galaxy Note 9 сотувга тайёрланмоқда

Galaxy Note 9 сотувга тайёрланмоқда

Смартфон ишлаб чиқарган билан ундан тезда фойда олишнинг иложи йўқ. Ишлаб чиқарувчи олдида жаҳоннинг турли смартфон бозорига кириб бориш ва маркетинг билан шуғулланишдан аввал турли расмиятчиликлардан ўтиш каби машаққатли иш турган бўлади. Жумладан, бугун жаҳоннинг аксарият давлатлари янги смартфон моделини мамлакат ҳудудида сотиш учун уни "савдо белгиси" сифатида рўйхатга ўтказишни талаб қилишади. Худди шундай воқеа айни пайтда Samsung Galaxy Note 9 модели билан содри бўлмоқда.

Жанубий кореялик Samsung корпорацияси жаҳон бўйлаб ҳали тақдим қилинмаган янги Galaxy Note 9 смартфонини рўйхатдан ўтказмоқда. Хусусан, бугун интернет тармоғида янги фаблетнинг Колумбияда рўйхатдан ўтганига оид хабарлар маълум қилинди. Маълумотларга кўра, бу модел жиҳат ва кўринишига кўра Galaxy Note 8 моделига қисман ўхшаб кетади.

Samsung Galaxy Note 9 мобил алоқа воситаси 6,3 дюймли ва Super AMOLED матрицали, 18,5:9 ўлчамли ҳамда 2960 га 1440 пикселли (QHD+) экран, 8 ядроли Exynos 9810 (АҚШ ва Хитойда Snapdragon 845) процессори, 6 ГБ оператив ҳамда 64/256 ГБ доимий хотирага эга бўлади.

Қўш сенсорли бош камерада ҳам ҳаракатланадиган ёруғлик тақсимловчи диафрагма (апертура)нинг ўрнатилиши кутилмоқда.

Galaxy Note 9 тақдимоти шу йилнинг август ойида бўлиб ўтиши кутилмоқда. Galaxy S9 ҳамда S9+ флагманлари бир оз қимматга сотувга чиқарилганини ҳисобга олсак, харидор янги ромсиз фаблет учун ҳам яхшигина маблағ харажат қилиши керак бўлади.

Galaxy Note 8 модели Ўзбекисонда 6 154 000 сўмдан сотилаётганини ҳисобга олсак, янги моделнинг 7 миллион сўмдан бошлаб сотилишини кутиш мумкин. 256 гигабайтли талқин баҳоси эса 8 миллион сўмдан ошиб кетиши аниқ.

Terabayt.uz сайтининг видеолари: Youtube'даги каналимизда!